率先睇!NIKE Air Zoom series 20對極速哂冷

波鞋

廣告

咩係NIKE Air?NIKE Air將壓縮嘅空氣儲存於一個堅固而靈活嘅氣囊之中,而呢啲Air Sole單元位於腳踭、前掌或中底,通過壓縮可以減少衝擊力,並能夠立即恢復原來嘅形狀同體積,迎接下一次衝擊。

咁咩係NIKE Zoom?NIKE Zoom緩震技術就係NIKE Air系列中嘅一部分,輕便而耐用,因為NIKE Zoom氣墊特別輕特別薄,可以令足部同地面更接近,尤其是變速同變向時增加穩定性。
所以,NIKE Air Zoom就係集輕便性、靈活性、緩衝性、耐用性嘅1個系列,春夏之際各家品牌各個系列都紛紛發表新作,但「天下武功,唯快不破」,睇睇NIKE Air Zoom系列點樣靠極速突圍。

text – Lok(ig:loklokb1021) photo – Hinnn、Billy

NIKE Air Zoom Pegasus 32 後踭落地
講起NIKE新一代嘅跑鞋,除咗耳熟能詳嘅Flyknit Lunar、Racer、Max等大受歡迎嘅「出街款」,Air Zoom Pegasus亦都憑實而不華嘅設計殺上NIKE台柱級跑鞋系列。Pegasus於1982年面世,出自NIKE現任CEO Mark Parker,由80年代名將Joan Benoit-Samueison,到2012年倫敦奧運5,000米及10,000米雙料金牌得主Mo Farah,都係Pegasus用家,可想而知有幾堅。

今季NIKE主打Air Zoom,Air Zoom Pegasus 32自然成為代表鞋款,針對習慣後掌落地嘅跑手需要,鞋踭內藏薄身而輕量化嘅氣墊,緩震之餘反應靈敏,全掌式Cushlon泡棉中底就帶嚟支撐。

Flywire注入
至於鞋身結構方面,上一代Pegasus 31已經改用一體成形、無縫剪裁嘅Engineered Mesh網眼物料,鞋身兩側以鑲空框架作為支撐,達至輕量化較果。而今代比上代更輕更薄,不過支撐力就不跌反升,事關鞋身兩側改用Flywire,將中底同鞋帶串連埋一齊,緊緊包實腳弓。外露式Flywire連帶外型上都有重大改變,Flywire線同鞋身大玩撞色,新鞋功能同外觀上都有所突破。最後鞋底方面,外側設有弧形導引槽,將能量由鞋踭引導到前掌,非常穩定。而內側嘅Waffle格仔形就增加抓地力,重有前掌區嘅橫向十字形紋理,令鞋底屈摺幅度大大提高,整體嚟講呢對鞋嘅功能性真係照顧哂多方面需求。

NIKE Air Zoom Elite 8 前掌落地
Air Zoom家族中另一款令人期待嘅就要數NIKE Air Zoom Elite 8,作爲系列中最輕量嘅一對,Elite 8延續咗Elite 7喺重量上嘅優勢。Air Zoom氣墊被放置於前掌位置,爲前掌緩衝同反饋強大動力,中後掌位置則依靠Cushlon中底維持。
而爲咗符合自然步伐嘅主旨,Elite 8鞋底前後掌高度差降低到8mm,前後掌過渡更加順暢,速度亦因此提升。鞋身方面,無縫鞋面以及輕質網眼嘅搭配係基本要有,特別係同樣加入Flywire技術,同前面介紹嘅Pegasus 32分別在於,Elite 8嘅飛線係半隱藏式,唔係全外露,但仍然能夠為鞋面作出調整。總結對比起為後踭落地型跑手而設嘅Pegasus 32,Elite 8嘅性能可能更適合前掌落地型跑手,而且由於Elite 8輕,速度上有更大優勢,啱哂長距離路跑。

最後重有其他Air Zoom家族!


內容延讀

5大SPORTS BRA款式及保養3部曲 BY HIDY BOBO

LET’S RUN夏日版推介 今夏9大重點要有跑鞋

NIKE Air Zoom家族 各司其職
Air Zoom發展多年,未計其他運動,淨係跑鞋系列都已經多不勝數,除咗針對後踭落地嘅Pegasus 32同前掌落地嘅Elite 8,其實重有大量為唔同跑手而設嘅鞋款,好似配合超柔軟Lunarlon泡棉,柔軟又有彈性嘅Air Zoom Vomero 10、可於高速奔跑時穩定唔搖晃,為腳掌過度內旋跑者而設嘅Zoom Structure 18等等,各司其職令跑手們可以放心高速飛馳,快啲揀返對操熟佢迎接跑步賽季來臨啦!

NIKE RUNNING EXPERIENCE STORE 銅鑼灣加寧街2號 2174 6938


內容延讀

5大SPORTS BRA款式及保養3部曲 BY HIDY BOBO

LET’S RUN夏日版推介 今夏9大重點要有跑鞋

有甚麼波鞋推薦?

不論男女波鞋都是大家每天襯衫必備的單品之一,白波鞋更是百搭之選,必買10大易襯白波鞋,輕鬆carry每個造型!香港天氣變幻莫測,唔想濕住腳行街,一對Gore-Tex防水波鞋會是必然之選,若然唔好彩弄髒波鞋,即用這6招洗波鞋方法幫波鞋還原靚樣!

如何揀一對適合自己的波鞋?

揀鞋當然要揀一對啱size的鞋,的確很多人經常入錯波鞋size,以下就為大家綜合15款大熱波鞋size攻略,幫大家選擇最佳尺碼。除了尺碼,波鞋的性能也很重要,消委會測試了 11款防水行山鞋,大家不妨參考一下當中款式的優劣之處。最後當然是款式,最新New Balance復古經典鞋款再來襲,身為潮流達人的你快入手一對吧!

There are 5 comments

Add yours

Comments are closed.