Bra不得即跑!5大sports bra款式及保養3部曲 BY HIDY BOBO

運動裝備

廣告

【“Sweat in Style” by Hidy Bobo】(facebook: Hidy Bobo | IG: hidybobo

為咗靚、為咗keep fit減肥、為咗迎合盛行嘅跑步風氣,唔理原因係咩,愈嚟愈多女生加入跑步行列係事實。跑得唔快唔緊要,最緊要靚,踏入夏天重要愈着愈少,我身為女生都會望多兩眼,正所謂知己知彼,百戰百勝嘛,upgrade就由呢一步做起。

你試下問身邊嘅女生點解對運動有興趣?大部分嘅答案都未必係「對身體好」、「想跑到好成績」,而係有人會同佢講「運動女生加10分」又或者「你好型」等嘅讚美說話。所以,當跑步已經成為1種時尚、生活方式同精神追求,你會開始對你嘅運動裝備有一定要求,尤其係女生要比男生面對多1種選擇困難:sports bra,若然能夠搵到個「絕世好bra」,絕對比擁有1對舒適跑鞋更雀躍!

不能說的mimi

其實無論你係A cup定係C cup,都有機會遇到「揀錯胸圍着錯bra」嘅問題。事實上,好多女生喺運動時,出現胸部上下搖晃、左右移動等問題,久而久之更有可能呈八字形晃動,令到胸部下垂變形,離完美體態愈嚟愈遠,運動變咗反效果,堪入尷尬嘅惡性循環,漸漸對運動產生抗拒。


Hidy Bobo內容延讀

女生必學!5個「型不甩」運動髮型

跑步腳粗?塑腿3式完整教學,點操都唔粗!

女生瘦得有型3部曲

負擔不起

乳房係由結締組織(具保護、修復、營養等功能)、脂肪組織同乳腺組成,除咗底部嘅胸大肌,根本冇其他韌帶或者肌肉組織支撐,如果冇番個「好撐得」嘅bra去承托胸部,好容易因包覆性不足而造成不適,連帶頸部、背脊都會出現疼痛徵狀。

着得舒適 跑得招積

各大品牌不斷推出唔同質料嘅運動內衣,務求令女生喺夏天都可以跑得乾爽,呢種天氣就必定要揀番個吸濕透氣、耐磨性強嘅sports bra。

尼龍質料:柔軟觸感,夠晒貼身,使用延伸性物料製造,大大提高支撐力。

棉質:清爽吸汗,富彈性,舒適好着唔繃緊。

Coolmax:通常採用高科技物料,終極透氣,着起唔會悶熱,冇後顧之憂。

一個sports bra不能走天涯

每樣運動嘅激烈程度都唔同,所以市面上有某部分sports bra都會標籤住杯罩嘅大小同運動強度類型。

高強度:籃球、跑步、排球。
中強度:網球、羽毛球、高爾夫球。
低強度:瑜伽、pilates、重量訓練。

運動內衣保養3部曲

1/ 做完運動後,盡快將sports bra清洗,避免留低汗跡漬導致變黃、發臭。

2/ 清洗時,最好用凍水同粉狀洗潔用品,輕輕搓一搓,等汗水徹底離開內衣嘅纖維。

3/ 洗完最好放於陰涼地方,避免於猛烈陽光下曝曬,破壞其彈性或變色。

為長期抗戰做好準備

既然決心要展開運動計劃,咁就唔好忽略sports bra嘅重要性!下次去運動前,不妨根據以上小提示去檢查一下衣櫃裏嘅內衣是否適合自己,會唔會太緊或者太鬆,1個好嘅sports bra可以撐住你跑出自信同美麗!


Hidy Bobo – 跑手/電台節目主持/Blogger

天生坐唔定,愛運動,尤其跑步,堅毅不屈的態度從這裏開始。跑步時候的我是最自由、隨性,一切回到原點,感覺自己確實地存在,用力地呼吸,盡情揮動汗水,從雜念生信念,憑着意念讓自己走得更遠。

2005–2006 Pacers Athletics Club
2008–2009 Watsons Athletics Club
2008–2009 City University Sports Team Committee
2009–2011 Glenhuntly Athletics in Australia

2013–2014 New Balance Excellent Ambassador

facebook: Hidy Bobo | IG: hidybobo


Hidy Bobo內容延讀

女生必學!5個「型不甩」運動髮型

跑步腳粗?塑腿3式完整教學,點操都唔粗!

女生瘦得有型3部曲

There are 7 comments

Add yours

Comments are closed.