17

紅爆17 App 5大女神你要follow

生活

廣告

玩咗《17》App未?呢期真係唔玩冇話題!點解咁hit?因為除咗可以搵錢之外,重有勁多直播性感女神。用家只要喺網上直播app《17》上,被人follow、睇你直播、俾心心你(好似facebook嘅like咁),都會有錢分。於是就有好多人直播同人傾偈,唱歌跳舞、甚至直播同男友「啪啪啪」過程(已被ban凸,死心啦)!!不過《17》仍然有唔少女神以肉Like換like,以下喺top 5人氣王,咁啱全部都係靚女,直播內容做啲乜?一啲都唔重要,最緊要有女神隔住個電話,陪你度過空虛寂寞嘅夜晚……

Text-專題組

第5位Ariel (《17》用戶名:arielst)

心心數:3,207萬 粉絲人數:超過69,800人

Ariel係平面model,佢有好多相都係做「汽車女郎」,或者可以同佢講下車經喎!

 

第4位 Michiyo (《17》用戶名:michiyo_ho94)

心心數:763萬 粉絲人數:超過77,000人

Michiyo係馬來西亞藝人,唔好被佢嘅清純外表呃到,佢曾經拍過部微電影《Abandoned》,喺入面飾演女同性戀者,重有幾激嘅「she she」接吻場面!

第3位 Alice Chang(《17》用戶名:sunshoptw)

心心數:849萬 粉絲人數:超過66,000人

Alice經營網上時裝店,加上佢人靚身材正,唔少得喺直播中做埋model介紹自己嘅服飾啦!

 

第2位 黛比比(《17》用戶名:kitedebby)

心心數:1061萬 粉絲人數:超過76,000人

身處喺英國倫敦旅行嘅黛比比跟得上潮流玩《17》,直播去旅行嘅佢,就算同大家有時差都冇阻網民睇實佢,咁黃翠如咪就快冇得撈?

 

第1位 Michaelia(《17》用戶名:michaelialife)

心心數:1780萬 粉絲人數:超過10萬人

心心數同fans數遠遠拋離其他用戶嘅Michaelia,憑住甜美嘅外表同聲線,成功俘虜一眾男生嘅心靈!

馬來西亞YouTuber Joseph Germani好即時咁製作咗條影片「SHIT PPL DO ON 17」,內容搞笑得嚟,睇完亦大概知道《17》點樣玩。

《17》成App Store排行榜冠軍

《17》一開始就備受關注,因為佢係台灣藝人麻吉大哥黃立成出資同朋友一齊開發嘅App,一推出黃立成好多藝人朋友就已經註冊帳號,成功吸引到追星族嘅跟隨,傳下傳下更衝到上去美國、香港、印尼App Store免費App排行榜第1名,喺新加坡第3名,台灣都有第2名,將同類直播App《Meerkat》同埋Twitter推出嘅《Periscope》都通通打低。現時App入面玩家都係以台灣同馬來西亞人為主,但香港嘅用戶都不斷增加當中,好多藝人都陸續響應潮流,例如容祖兒、官恩娜、薛凱琪、張繼聰等等。

其實佢嘅設計同《Instagram》非常相似,一樣可以post相同片,重要都係裁到正方形,亦有好多濾鏡可以選擇,tune好晒先至post出去。最唔同嘅係,佢有直播嘅功能,雖然而家facebook都有得直播,但就只限用緊Facebook Mentions管理嘅名人明星先可以做到。喺《17》所有用家都可以成為實況直播主持,講咩同做咩都得,同facebook一樣,直播期間觀眾可即時留言同直播主chit-chat,不過唔同嘅係facebook係會自動back-up影片,《17》就直播完之後冇得睇返,將影片創作權俾番用家。提提你,呢個係好燒數據嘅玩意,開或睇live前要留意返!

土地問題鋸個扒都難?扮文青去全港12間懷舊扒房

話題亂象令《17》爆紅

軟件推出咗兩個月,話題可以話係不斷。《17》官方說法係採取利潤共享機制,1個post或直播影音只要有1000人觀看,直播主就可以獲得1元台幣利潤,當累積到台幣3000元時,就會喺下個月收到權利金分潤匯款,可透過PayPal或Alipay領款。粉絲愈多,分潤就會加得愈快,不過實際係點?其實外界都唔係好清楚,因為每人可狂like同1張相或直播好多次,咁如果有朋友幫你撳19幾萬個like咪發達?始終係新嘢,要等真係收到錢嘅人分享先會知。

但由於愈多人睇就有愈多利潤嘅關係,就令好多人各出奇謀,希望可以引到多啲人follow佢哋同埋睇佢哋嘅直播。上月底就紛紛出現好多18禁嘅直播,有男童直播妹妹嘅沖涼畫面、女網民直播吸毒過程,重有人直播自慰、性愛過程。當中就紅咗因直播沖涼、着內衣跳舞等情況,開播2日followers就破萬嘅「萬姊」。不過因為出現咁多亂象,令官方加強咗監管,只要一發現係挑戰尺度嘅用戶,就會ban account。萬姊就係因為不停被ban,近日轉投《Periscope》,令本來喺台灣冇乜人玩嘅《Periscope》,迅速升到上排行榜10名內。

YOU MAY ALSO LIKE ...

There are 16 comments

Add yours

Comments are closed.