日劇

10套最想翻煲神之日劇!《悠長假期》之外重有邊啲一定要睇?

電視

廣告

不知不覺,《悠長假期》已經20週年,近日全城都在播主題曲〈La la la Love Song〉,令人超想由頭再煲多次。值得一看再看的又怎會只有它,我們《新Monday》編輯部嚴選出以下10套最想翻煲的「月9」日劇 (富士電視台週一晚間九點連續劇簡稱,這個時段播出的連續劇以高收視率見稱),除《悠長假期》之外,原來其餘每一套都接近或已超過20年!這些又是否你的心水?

text-專題組

第10位:《星の金貨》(等你說愛我)1995年

酒井法子solo之作,飾演苦命聾啞、重要十分痴情嘅女仔。佢本來同飾演永井秀一醫生嘅大澤隆夫係一對,可惜秀一意外失憶,兩個人又同時被其他人「睇中」,結果相逢不相知,當年睇到嘅電視機前嘅大媽勁肉緊,狂鬧鍾意秀一嘅結城祥子係壞女人。

第9位:《ひとつ屋根の下2》(同一屋簷下2)1997年

呢套唔使介紹啦吓嘩?全片星光熠熠,除咗原班主角鐵腳:江口洋介、未做《伽俐略》嘅褔山雅治、未被爆醜聞嘅酒酒井法子,再加上松隆子、藤原紀香、森田剛等大紅人,雖然成績唔及第1集(1993年),但一樣係套一睇再睇嘅好劇!

第8位: 《あすなろ白書》(愛情白皮書) 1993年

改編自柴門文同名漫畫,同另一部《東京愛情故事》被喻為係柴嘅「愛情2部曲」。呢套劇主要講述幾個大學好友嘅友情同愛情,畢業後各散東西,多年後重聚懷緬過去,絕對係《那些》年一類青春劇嘅老袓宗。劇中木村托哉鋒芒漸露,一步步咁踏上佢日劇之神嘅寶座。石田光又靚又清純,真係純過蒸餾水。

第7位:《101回目のプロポーズ》(101次求婚) 1991年

令香港捲起日劇潮,《101次求婚》可謂最大功臣。當年無論少女、師奶定大媽,都會為咗武田鐵矢飾演嘅痴心男感動,喊濕幾盒紙巾。除咗武田,《101》亦紅咗演技精湛嘅淺野溫子,當年佢係唔少屋村仔如我嘅女神嚟!


第6位:《魔女の条件》(魔女之條件) 1999年
當年挑戰電視尺度嘅1套電視劇。講美女教師廣瀨未知(松嶋菜菜子)同細佢勁多嘅學生黑澤光(瀧澤秀明)搞不倫戀,當時引起師奶家長界好大嘅迴響。大家覺得如果翻拍,邊個做松嶋菜菜子同瀧澤秀明嘅角色呢?

內容延讀:
瞬間治癒?12張可以狂LOOP一日的GIF圖
悠長假期20週年 主角而家點?加5大經典位回顧

第5位:《ラブジェネレーション》(Love Generation戀愛世紀) 1997年

由處於巔峰狀態嘅木村配上零瑕疪女神松隆子,齋睇佢兩個已經夠晒。值得一提嘅係戲中潮物如Rolex369同Tiffany水晶蘋果,因為呢套劇而被炒炒炒。

第4位:《ビーチボーイズ》(Beach Boy沙灘小子)1997年

陽光、海灘、男神,當年好多人話呢套劇陽剛味超重,但我覺得有少少boylove feel(粉絲唔好打頭)。此劇紅遍中港台。當年更係奠定竹野內豐同稻森泉躍升為一線男女演員嘅劇集。而家好多8、90後,書架上都重有一套《Beach Boy》DVD「傍身」。

MARY ELIZABETH WINSTEAD《末世街10號》 索女起底!

第3位:《東京ラブストーリー》(東京愛情故事) 1991年

永遠好人嘅完治同永遠追求真愛嘅莉香。改篇自柴門文漫畫《東京愛的故事》。講述多角戀愛,顯示出現代人愛情觀。本劇紅咗飾演不顧一切追求真愛嘅鈴木保奈美,佢充分演繹到莉香嗰份美麗同叛逆。劇中莉香髮型更成為當年港女抄襲嘅潮流指標。

第2位:《ひとつ屋根の下》(同一屋簷下) 1993年

親情、多角愛情、友情…《同一屋簷下》可以話乜情都被佢賣晒。本劇為日本史上收視率最高嘅電視連續劇之一,對日、台、港3地產生咗巨大社會文化衝擊,劇中台詞「那裡還有沒有愛?」「兔子太寂寞會死。」成為3地嘅流行語。

http://www.youtube.com/watch?v=yY45oBa5IGY

第1位:《ロングバケーション》(悠長假期 Long Vacation)1996年

眾望所歸嘅超級經典,影響後世中、港、台、韓電視劇無數。永遠男神木村拓哉嘅《Long Vacation》。1996年4月至6月間喺富士電視台播出,編劇為北川悅吏子,女主角由山口智子擔任,平均收視29.6%,瞬間最高36.7%!連久保田利伸首唱嗰首主題曲〈La La La Love Song〉都hit爆!有選呢套劇嘅網民話:「因為係青春嘅回憶。」

YOU MAY ALSO LIKE ...

There is 1 comment

Add yours

Comments are closed.