新《龍珠 超》預告片 最新強敵竟然係佢哋?

電視

鳥山明老師親自操刀嘅《龍珠 超》,喺《龍珠GT後》闊別電視熒幕自18 年後再次喺日本電視台公映。原班配音員如幫悟氣3父子配音嘅野澤雅子都會歸位。劇情設定喺悟空同魔人布歐決戰之後,雖然地球重新回歸和平,但循例當然係有更強戰鬥力嘅敵人出現啦,今集嘅主角應該係劇場版出現過嘅破壞神比魯斯。新劇將會喺今年 7 月 5 日起喺 Fuji TV 等電視台播放,呢兩日官方就發放咗最新嘅預告片,估唔到最新嘅敵人竟然係佢!

text-專題組

其實早前喺《龍珠 超》嘅記招時, Fuji TV製作人野崎已經放風﹕「話唔定會有比菲利同魔人布歐嘅角色登場啊!」

喺最新嘅呢條預告片中,就可以見到最新嘅強敵,原來係喺2013年龍珠電影版《神與神》中,全宇宙第2好打嘅「破壞神」比魯斯,斯同佢嘅僕人—–宇宙最強嘅烏爾斯(維斯)!

如果有睇過《神與神》嘅話,就會知道破壞神比魯斯有幾強,就算悟空變為超級撒亞人之神都贏唔到!而佢僕人維斯就更加係無性0架!劇場版嘅製作人就曾經講過,如果比魯斯嘅戰鬥力係10,超級撒亞人之神只係6咋!而烏爾斯嘅戰鬥力更係去到15,呢獲真係比達同悟空合體再變身成神都搞唔掂。

劇場版當然重有其他熟悉人物登場﹕

係咪好想睇呢?其實而家世貿有悟空同菲利嘅1﹕1人遇俾你影相,想知點影先夠氣勢?我哋就為大家提供3大貼士!

YOU MAY ALSO LIKE ...

There are 7 comments

Add yours

Comments are closed.