6個你唔識都要follow嘅IG美女,第5個竟然係……

女生

廣告

話說小記雖然係女仔,但就偏偏麻麻哋「昅」仔,而係鍾意「昅」女,尤其喺條街見到疑似靚女嘅背影,次次都會追上前睇下係唔係堅靚女,好可惜,每次都……究竟啲網絡美女去晒邊?等我即刻開番個《Instagram》望下靚女中和番先!聽講望多啲靚女個樣都會靚啲㗎,好似係……

text-edel

1. Aikonari.Art
第1個介紹嘅就係Aiko Narissara Yeung,睇個名同個樣,真係會以為佢係日本人,其實白白淨淨嘅佢係中泰混血兒嚟㗎,早排編輯部美容組就book咗佢做model影相。做運動嘅女仔加10分,咁識畫畫嘅女仔又加幾多分呢?佢唔止係model咁簡單,重係藝術家、插圖畫家同探險家,差唔多環遊晒成個世界,又靚又叻,笑容又sweet,令到在埸嘅都好自卑啊!

 

2. Chan.Tsz.Ying
90後人氣美女陳芷瑩Giann究竟有幾受歡迎?睇佢ig嘅follow人數就知啦,有超過46萬粉絲,分分鐘多過啲明星呀!除咗係網拍同埋廣告model之外,重係blogger,我諗佢應該係全香港最靚最索嘅blogger囉!最近佢重開左間marketing公司幫品牌搞下event同宣傳,睇嚟佢唔止賣樣,重食腦喎!

 

內容延讀

大碼Top模,肥都一樣索﹗

巧性感?重口味? 7大爆紅毛女

3. Vickybabyswl
內地網絡紅人施薇靚Vicky喺內地都幾紅㗎,不過喺香港就唔算多人識,佢由網拍model起家,而家已經升呢做淘寶店主喇!因為佢好識mix & match,造型又百變,好多粉絲幫襯佢㗎,不過,靚女着咩都靚㗎啦!

不過呢,人紅自然是非多,亦都有網民得閒得滯開咗個anti佢嘅ig,鬧爆佢整容、感情生活混亂、block晒啲唔啱聽嘅留言同賣劣質貨喎!計我話咁厚多士做咩吖,有靚女就睇啦,整容又點喎!

4. Aum_Napat
Napat係泰國女仔,雖然比起上面介紹嘅靚女,佢唔算話好標青,但勝在夠陽光夠cutie,因為唔識泰文嘅關係,重未摸清佢底細,不過佢就好鍾意食嘢,重成日些牙佢食過嘅好嘢同食譜添!鍾意食嘅佢喺曼谷Jatujak假日市場開咗間食店Napat Closet & Cafè,去開Bangkok嘅不妨去探下佢啊!

內容延讀

大碼Top模,肥都一樣索﹗

巧性感?重口味? 7大爆紅毛女

5. Screamer29
冇錯,你冇眼花佢的確係男仔,不過小記覺得佢生得重靚過啲女仔喎,皮膚又白又滑,兼且眼大鼻高嘴又細,而且佢似女仔多過似男仔添!1994年出世嘅日本中性美男model飛彈右介UsukeDevil,喺高中嗰陣已經係人氣讀者模特兒,佢目前係文化服裝學院嘅學生,更加有網友形容佢係次世代嘅時尚icon!

 

6. ArialChenPeiPei
壓軸登埸嘅係台灣正妹陳佩佩Arial,幾年前因為同男友鬧分手,所以一邊喊一邊自拍「分手妝」po上網而爆紅!第1次睇段片嘅時候真係驚為天人,咁靚女大把男人爭住要你啦傻豬嚟嘅!佩佩而家係人氣美妝達人同美妝節目嘅固定班底,成日喺YouTube分享化妝美容心得,重出咗彩妝書添,女神最近結咗婚,恭喜晒,要幸福啊!!!

Instagram如何幫助IG帳號被盜用問題?

有鑑於Instagram帳號被盜用問題日益嚴重,Instagram官方日前推出「安全檢查(Security Checkup)」新功能,官方提出以下5個檢查小教學,讓用家可以…詳情請看

Instagram最強烈建議做什麼行動?

在Instagram帳號被盜用前題下,IG官方強烈建議啟用…詳情請看

There are 11 comments

Add yours

Comments are closed.