【健吾】請盡快學會看透世情

我：「我有同事㗎…電台節目我1個人做唔到㗎。」

健：「係喎…」

我：「你都冇同事㗎，你都係對住啲客之嘛。」

健：「都唔係㗎，佢哋都好煩㗎…」

我：「係囉，有人嘅地方，就煩㗎啦…」

＊　　＊　　＊　　＊　　＊

住在香港，還剩下甚麼？

錢，很多很多的錢，大家為了賺錢，才留在這兒。所以，除了錢，很多東西都變得不重要了。朋友Ｐ在某大公司當市場推廣工作，最近公司的某個資訊科技部同事，因為糖尿，要切去1隻腳趾，出院時間未明，在每星期一的大會上，這個同事就被「數落」得七個一皮。「個project要問佢噃，WhatsApp佢答咗㗎喇，我唔識㗎呢啲嘢。我做marketing㗎咋，system佢負責㗎嘛。我問咗佢幾時出院㗎啦，佢話未知喎。咁點呀？我啲嘢唔使郁啦？公司停晒喺度等佢啦咁？」

另1個同事，跟那位糖尿截趾人是同一個組的，就裝起一副3天沒有睡覺的樣子和表情，說：「我家下得閒死唔得閒病㗎。病嗰個係我就唔＿使做啦。有咩都問我，又要跟埋佢啲嘢，我1日有48小時呀？對唔住囉，我好似發緊脾氣咁。不過你哋捽我都冇用㗎，我手就得1對，人就得1個，有得快，我實快俾你哋㗎…」

結果，這個會議1個小時，有35分鐘是談那個留院同事的事情沒有人做，不知怎麼算及誰要處理。Ａ說他不會處理，Ｂ說他沒有時間，Ｃ說他們很急很趕。總之，沒有人會負責任。

大家在會議不歡而散後，隔兩天，某同事就在茶水間閒聊說：「都或者快㗎喇，封定帛金啦，不過封咗都唔知俾邊個…」

同事是甚麼？同事就是一些你被迫要每天對着，是敵人但不可以宣之於口的人。我明白的，身為大人，好應該知道，返工不是遊埠，沒有人會在乎你感受。只是在會議上聽到這些沒有同理心、同情心的說話，而看到那些冷血同事回到位子上，就如何在電話哄他們的小孩吃飯，談他們的狗隻如何矜貴、如何可愛。有點血性的人，都會覺得跟這些人坐在同一辦公室內，呼吸同一口空氣，感到嘔心。

只是，在香港有血性是會肚餓的。這一點，我更加明白。

text-健吾

 
內容延讀：

＞8大女星「出事」妝容！姊妺們，小心呀！

＞【健吾】理想的男友

＞【健吾】只有愛不足夠