預測2021年Rolex可能停產錶款 勞力士百事圈、Milgauss榜上有名

腕錶

廣告

Rolex嚟緊又有錶款停產?!最近網路上有好多錶友推算勞力士2021年有乜新款,例如Explorer II 五十週年別注。不過Rolex有新錶同時,代表某啲舊錶款會停產。當中有傳勞力士百事圈、Milgauss都會於今年停產,除咗以上兩款外,究竟有咩錶款傳聞喺今年停產?如果屬實,大家又會唔會趁早入手,早買早享受以防炒價?

撰文:Easy|圖片來源:Rolex

預測2021年Rolex可能停產錶款

外國媒體預測2021年可能會停產錶款如下包括:Air-King Ref.116900、Explorer Ref.214270、Explorer II Black & White Ref.216570、GMT Master II Pepsi Ref.126710BLRO、Milgauss Ref.116400GV。

外國媒體預測Rolex有某幾個錶款於2021年停產
外國媒體預測Rolex有某幾個錶款於2021年停產

 

Explorer Ref.214270及Explorer II Black & White Ref.216570停產可能性相對較高,全因2021年係Explorer II面世50週年,估計全新嘅Explorer II會推出,同時亦代表舊款Explorer II會停產。

Explorer II 傳聞於今年停產
Explorer II 傳聞於今年停產
估計Rolex今年會推出全新嘅Explorer II
估計Rolex今年會推出全新嘅Explorer II

 

除咗Explorer系列,令人最意外嘅係百事圈Ref.126710BLRO,因為佢係2018年改款,而且呢2年亦係Rolex人氣款式,不過不少外國媒體認為如果Rolex今年推出不鏽鋼紅黑陶瓷圈GMT Master II,咁126710BLRO停產可能性相當高。

傳聞會停產嘅,令人最意外嘅係百事圈Ref.126710BLRO
傳聞會停產嘅,令人最意外嘅係百事圈Ref.126710BLRO
百事圈停產原因,不少外國媒體認為果Rolex今年推出不鏽鋼紅黑陶瓷圈GMT Master II而導致。
百事圈停產原因,不少外國媒體認為果Rolex今年推出不鏽鋼紅黑陶瓷圈GMT Master II而導致。

 

重申一次,以上預測Rolex停產錶款只係傳聞,最終會不會停產,要等到2021年4月錶展先至會被證實,大家拭目以待啦!

 

同場加映

Rolex慶祝Explorer II五十週年 2021年推出全新Explorer II?

有香港買勞力士攻略嗎?

ROLEX既是身份的象徵同時亦能保值,若然是新手初哥,最好就在購買前必讀香港買勞力士攻略。心思思唔知買咩款好?立即參考Rolex Daytona五大最受歡迎款式/Rolex保值款。想隻Rolex保持得「靚靚仔仔」的話,即學8招勞力士保養方法

買二手勞力士有甚麼需要注意?

買二手錶最怕就是買列假貨,7大要點教你分辨真假Rolex。要買不一定要去二手錶店,以下3大世界二手錶網店推薦,都是信譽良好的二手名錶網站,讓你較低機會買到假錶外,還可知道市場價格、二手市況等!注意,勞力士推新制「二不策略」,規定經銷商(AD)不可以以超過該手錶的公價去售賣,因此若發現超出定價切勿購買!