電車

【屬於你我嘅回憶】10段睇到眼濕濕經典 電車 電影片段

電影

廣告

近日有顧問公司向城規會建議取消中環至金鐘段 電車 ,重話要懷念嘅話,將 電車 擺入博物館咪得(編按:香港歷史博物館一早有 電車 ),呢班堅呢地城當然唔會知道 電車 嘅實用性,況情 電車 已經喺香港行走過百年,絕對係老中青普羅大眾如你我嘅集體回憶。多年嚟 電車亦出現過喺好多電影之中,我哋就嚴選咗10段最經典嘅 電車 電影片段,當中有火辣嘅親熱片段、緊張嘅警匪對戰,甚至係香艷嘅0靚模追 電車 …總之都可以勾起你某時某刻某事嘅回憶,保證睇到你眼濕濕…

text-Jessie

《胭脂扣》(1987年)

女鬼如花(梅艷芳飾)去報館想喺報紙登尋人廣告,遇到喺嗰度做嘅袁永定(萬梓良飾),之後重一齊食飯再搭 電車 去石塘咀,講返昔日嘅風光。袁永定愈聽愈唔對路,意識到如花並唔係人,嚇到成個彈開。

28:41開始睇

https://www.youtube.com/watch?v=XKyTjP6VJJs

 

《烈火青春》(1982年)

當年電影算係非常破格大贍,因為有大量描寫男女兩性關係嘅親熱戲,被稱為新浪潮「愛情文藝片」。喺 電車 上一幕更係話題之作,講阿邦(湯鎮業飾)同Kathy(夏文汐飾)喺屋企親熱被家人打斷咗,就出咗去喺 電車 上旁若無人咁瘋狂「車輪」,被當時社會道德之士狂轟誨淫,而家睇,唔,一樣咁激。

 

《風塵三俠》(1993年)

講陳大文(梁朝偉飾)同夜場小姐Cat(柏安妮飾)一對深愛嘅戀人要分手,但兩人其實都好唔捨得大家,由 電車 站開始擁吻,鍚到上 電車 上層,直到 電車 到達總站落車,二人先正式分開,真係連嘴都腫埋。呢幕經常被人拎嚟同上文提到《烈火青春》嘅嗰幕作比較。

1:16:37開始睇。

https://www.youtube.com/watch?v=0uTiwlZB9wE

內容延讀:

【 迪士尼 D23EXPO懶人包】9件震撼消息你要知

《 屈機起格命 》10經典遊戲,你玩過幾多?

《新紮師兄》(2004年)

改編自經典電視劇,講穎芝(鍾欣桐飾)自細就暗戀表哥張偉杰(謝霆鋒飾),而倪鋒(陳冠希飾)亦一早對穎芝一見鍾情,倪鋒同穎芝就喺 電車 上面表明心跡。

51:10開始睇。

https://www.youtube.com/watch?v=srqwfZJ9V-w

 

《喋血雙雄》(1989年)

1989年吳宇森經典之作,就連泰倫天奴都睇到拍爛手掌,姆指直豎。喺電影開頭部分,警察李鷹(李修賢飾)同大賊黃熊(黃光亮飾)喺街頭槍戰,再追黃追到上 電車,睇到80年代嘅銅鑼灣,真係「懷緬過去 常陶醉 ~~~~」

16:16開始睇。

https://www.youtube.com/watch?v=-xDI0osYGv4

 

《幽靈人間》(2001年)

電影故事以倒序形式開始,講十幾年前一單恐怖「意外」﹕西環有個男人跌出 電車 路,被 電車 輾斷頭事件開始…斷頭男重有企喺身行咗一段路,而有個小女孩就趴低同車底個頭對望,呢一幕令觀眾極為深刻。

內容延讀:

【 迪士尼 D23EXPO懶人包】9件震撼消息你要知

《 屈機起格命 》10經典遊戲,你玩過幾多?

《男兒本色》(2007年)

便裝警員陳晉(謝霆鋒飾)嘅未婚妻因一場爆炸案而無辜喪生,佢誓要捉拿兇徒。有一幕陳晉追捕疑犯嘅動作戲分,又係追到上 電車 ,甚至爬出車頂,好驚險。

 

《跟蹤》(2007年)

電影一開始3位主角:刑事情報科跟蹤隊新人何家寶(徐子珊飾)、跟蹤隊隊長黃文展(任達華飾)同珠寶劫匪主腦陳重山(梁家輝飾)「巧合地」喺 電車 上相遇。成場戲,大家唔知邊個跟蹤邊個,又唔知邊個係兵邊個係賊,鬥智鬥力。

 

《神奇兩女俠》(1987年)

電影講述兩位女主角梁好逑(鄭裕玲飾)同連子容(葉童飾),喺落選港姐後一個星期所發生嘅事。佢哋都鍾意咗自稱係日本遊客嘅男主角(王敏德飾),但發現原來都係呃緊佢哋之後,兩女一齊教訓完佢,就一同上咗 電車 ,重遊佢哋兩人嘅夢幻起點利舞臺。

 

《爭仔愛作戰》(2014年)
由王寶寶(春卷)自編自導自演嘅微電影《爭仔愛作戰》,有一幕講春卷被情敵Mizer整蠱,拎住佢啲衫上咗 電車 ,搞到春卷要着住喱士胸圍同內褲追 電車 。

YOU MAY ALSO LIKE ...

There is 1 comment

Add yours

Comments are closed.