熊本熊尖咀零距離親粉絲
text – Jessie photo – King Ho
http://www.youtube.com/watch?v=lD1NNdjqPC8
熊本熊profile
2010年當大阪至鹿兒島嘅九州新幹線陸續通車時，熊本縣政府意識到佢哋知名度遠遠唔及博多、鹿兒島等鄰近地方，於是邀請編劇家小山薰堂、插畫師水野學負責規劃1個「熊本驚喜」，發掘出熊本縣優點再作重點推廣，輾轉間就設計出熊本熊作為吉祥物。
熊本熊喺日本嘅吉祥物排行榜一直名列前茅，但佢嘅幕後推手只係一班完全冇行銷經驗嘅縣政府級公務員。雖然佢幫熊本縣帶嚟好可觀嘅收入，但原來佢嘅肖像權係開放俾大家用，唔收版稅，條件係合作商品要有介紹熊本縣嘅資料/插圖，又或者產品要用熊本縣出產嘅原材料。
部長派茄
肥嘟嘟呆呆滯滯嘅熊本熊，當日坐車嚟到露天廣場室外嘅農莊展區，同熊本縣嘅著名農作物合照，佢擺出多個萌爆動作，已經令在外圍觀嘅粉絲瘋狂，之後佢走上中庭，都未入到主要展場，已經被粉絲包圍，真係行都行唔到，最後佢排除萬難上咗舞台，就即刻做咗佢多個招牌動作，真係極之可愛！好彩而家影相唔使用菲林，否則多多都唔夠！同讀者合照同埋最後大派熊本縣嘅新鮮番茄時，佢都不改搞笑同活潑嘅性格整蠱粉絲，故意唔俾籃中嘅番茄粉絲，只係俾啲裝飾用嘅綠色紙條佢哋，（口氹）到大家笑唔停！
過肥被降職
外表睇熊本熊嘅心情似乎好好，不過最近佢被降職呀！事緣佢因為太肥，喺舊年秋季時，被老闆熊本縣知事蒲島郁夫要佢開始節食，出席公開活動時都要示範跳瘦身操。但情人節期間，身為萬人迷嘅熊本熊部長因為收到好多粉絲送俾佢嘅朱古力，而佢又忍唔到口，令體重不跌反升，而因為咁令老闆蒲島大怒，即時落降級指令，將佢貶為代理營業部長，職令生效至6月底。
但係見面會當日見到「部長」，佢身形雖然都係同以前差唔多，一樣咁圓潤，不過身手就好敏捷，表演跳舞、擺出各種動作都完全冇問題。睇嚟部長佢一直都有努力keep fit，希望佢早日可以做番熊本縣營業部長啦！
送你熊本熊行李收納套裝
喺場內任何商戶以電子貨幣消費滿指定金額，就可免費換領1套3個行李箱收納袋（$2,000）或行李帶（$1,000）。換唔到嘅粉絲唔使失望，而家商場送出熊本熊行李箱收納袋兼行李帶，等大家無論去到邊，都有部長陪住大家周圍去！
現送出1套3件熊本熊行李箱收納袋再加行李帶共8套。想要嘅朋友，請留意遊戲玩法，即有機會獲得。
・於網站comment/留言位置分享你認為熊本熊可嘗試咩新造型會最可愛。
・《新Monday》將會揀出心水答案。
・得獎名單將會喺網站公布，得獎者將獲電郵通知。
遊戲截止日期︰19/4（中午12時），得獎者將獲電郵通知。
《新Monday》保留最終決議權
鳴謝：The ONE
「The ONE×Kumamoto樂遊熊本縣」
日期：即日至5月3日
時間：10:00am-10:00pm
香港有甚麼地方適合與閨密、情侶，一大班朋友去？
與閨密、情侶約會的話，當然要選擇氣氛好的地方啦！全港12間必去天台酒吧 都超有feel，傾得興起難免會飲多幾杯，如果出現這些醉酒特徵 時就要適可而止了！返工返到攰，不如一齊去按摩店鬆一鬆，油尖旺按摩店 非常多，實有一間啱你。一大班朋想熱熱鬧鬧，燒嘢食最好不過了，即刻熟讀BBQ技巧7式 ，包你喺燒烤場上戰無不勝！
家居清潔有甚麼好方法？
家居清潔非常重要，做不好隨時影響健康！很多人因為床褥體積大不容易洗滌，而忽略了床褥清潔，即睇5招床褥清潔方法；冷氣機內外都容易累積大量灰塵，洗冷氣機方法好簡單，輕鬆洗走灰塵黴菌。當然做足家居清潔都不能避免曱甴入屋，10種有效消滅曱甴攻略幫到你！
