着露肩衫前必學!5招瘦鎖骨速成班

女生

廣告

每個女生嘅品味、衣着風格都唔一樣,有啲鍾意露長腿,有啲鍾意露腰,有啲鍾意露背,有啲鍾意露手臂,露咩都好,最重要都係一樣嘢:瘦!夏日炎炎,又係女生可以着少啲布嘅日子,冇腹肌可以露嘅,可以露下膊頭,將可以放得落硬幣嘅靚鎖骨show出嚟見人,就好似啱啱喺意大利舉行婚禮嘅吳雨霏(Kary),就着咗件露全膊嘅白色長裙,迎接佢一生新一頁。想知點樣可以有靚鎖骨?睇埋落去你就知!

text-Swing(ig:nganshuwing) photo-互聯網圖片、《Instagram》

先睇星級露肩!

內容延讀

有冇靚鎖骨都必掃!:CHOCOOLATE x ete! x TSUM TSUM海量第3彈

露鎖骨之餘,重可以露靚bra,必露潮bra推介!

 

再學5招練出靚鎖骨!

話明要露膊,首要條件就一定係瘦啦!唔夠瘦?唔緊要!即教你5招瘦鎖骨減肥操,包你有個靚鎖骨見人!

1. 眼鏡蛇式

俯身,雙手支撐上身,指尖伸直,腰、頸、背部向後拉,脊椎彎成C形,要留意下腹要緊貼住地板。動作維持30秒。

 

2.擴胸動作

呢個動作要有條繩幫助,將條蠅打8字套住雙手,放係胸部上方,然後上半身傾前同時呼氣。企番起身就吸氣,同時將雙手打開,咁為之1次,10次為1組,可做3至4組。

 

3.打橫收縮

呢個動作都要用繩!首先用繩套住雙手,雙手向前伸直,雙腳分開同膊頭一樣闊。然後手腕用力,令到手臂同膊頭一樣闊,留意,最好令到雙手距離為5cm,咁就最好啦!做15次搞掂!

 

4.站立操

又要用繩啦!企係到雙腳分開同膊頭一樣闊,雙手彎曲,舉起過頭頂,雙手捉實條繩,掌心向下。呼吸間就將手臂向下,記得都要拉緊條繩!重複做5次,又得咗!

 

5.向後拉伸

最後呢個動作都係要用到繩嘅!同之前動作一樣,企係到雙腳分開同膊頭一樣闊,用繩套住雙手,然後雙手放係背後。下巴向上,雙手向後伸直,挺起胸膛,維持5秒。

 

內容延讀

有冇靚鎖骨都必掃!:CHOCOOLATE x ete! x TSUM TSUM海量第3彈

露鎖骨之餘,重可以露靚bra,必露潮bra推介!

 

必買露肩裝!

即刻為大家介紹可以露膊頭嘅衫,等大家可以過個涼快夏日!

 

YOU MAY ALSO LIKE ...

There are 2 comments

Add yours

Comments are closed.