80後、90後最有共鳴潮物 Super-X圓桶袋、Laosmiddle背囊有無用過？
廣告
懷緬過去常陶醉，可能係唔少80後、90後嘅心聲，唔係話往時比現今好，而係當年有唔少潮物俾呢一班80後、90後深刻回憶！例如90年代尾至千禧年代初，有邊個學生哥唔識Super-X圓桶袋、Laosmiddle背囊先？今次筆者就為大家盤點一下90年代尾至千禧年代初6件極有共鳴潮物，睇完真係即刻想摷返出嚟回味一下。
撰文：Janet ｜圖片來源：Ruten、Ebay、HKTVMALL、HKGOLDEN
80後、90後最有共鳴潮物
1.麥當勞Snoopy玩具系列
麥當勞呢個系列應該無人唔記得啦！呢套Snoopy世界系列，於1998年推出，當年推出絕對哄動一時，更產生瘋搶效應，仲記得因為想儲齊整個系列，當時唔記得連續食咗幾多餐老麥。
2.Super-X圓桶袋
90年代尾至千禧年代初，學生們最潮嘅書包之一，因為size相當實用，可放書本之餘仲可以放埋運動衫。當年最潮孭法唔係斜孭，而係只將袋中間其中一邊手挽帶放上膊，則當作Tote Bag孭法。不過Super-X自香港學界興起Gregory背囊後便逐漸沒落。
3.Laosmiddle背囊
Super-X圓桶袋之外，本地品牌Laosmiddle背囊絕對係另一個學界必備潮袋，因為當年唔係個個學生哥有錢買Visvim背囊，退而求其次，親民價嘅Laosmiddle成為當年學生哥心水之選。
4.釣魚機
90年除咗興起TAMAGOTCHI之外，其實仲有一部釣魚機相當大熱，當年賣到斷晒市，基本上當年揸住出街玩就係身份嘅象徵，之不過釣魚機輝煌嘅時代比TAMAGOTCHI相對地短好多。
5.SONY DSC-P1數碼相機
喺未有Smart Phone嘅年代，揸住部數碼相機周圍影相係一件好潮嘅事，而當年最潮嘅數碼相機，SONY DSC-P1絕對係其中之一，至於個設計就算今時今日睇返都唔過時，當年唔少人就算唔識影相，都會買部SONY DSC-P1數碼相機。
6.MD機
可以話係音樂史上最短暫嘅聆聽工具，當年推出時係威係勢，大家又會專登買部MD機，然後研究如何錄MD帶。不過MD機最終只流行咗1年左右，因為MP3嘅出現而全面被替代。
關鍵詞
早買早享受
