小花回應ToNick主音恆仔「笠綠帽」事件 網民：寸人賣飛博宣傳
譚杏藍被質疑出軌問心無愧 反強調恆仔新歡係好姊妹？
對於被質疑出軌一事，譚杏藍選擇在社交平台發長文回應。雖然譚杏藍在文中並未直接提及恆仔，但就在文中亦暗示恆仔的演唱會門票於當日開賣，並寫道：「今天是你演唱會開賣的大日子，祝一切順利。」譚杏藍在文中雖然是祝福恆仔但亦有所回應2人之間的感情問題：「而一段感情應該是雙向的，不是一人一手可以控制大局」、「對人對事我問心無愧」「真心祝福你們，兩位都曾經是我最親近的人，過得幸福快樂」，又表示自己也在為建立家庭而努力，疑似回應出軌傳聞。
網民：反擊恆仔食好姊妹兼寸人賣飛博宣傳？
網民對於譚杏藍回應恆仔感覺機心！一來重著於譚杏藍雖然完全無提及恆仔個名，但就講到演唱會開賣的大日子，網民認為明知恆仔講明不會再回應，似乎用來轉移線視混淆視聽兼好似暗寸恆仔賣飛博宣傳。第二回應中的「真心祝福你們，兩位都曾經是我最親近的人」網民認為係暗爆恆仔撻自己的好朋友「擺明博恆仔唔會再回應，依家係度混淆視聽」、「無端端提演唱會開賣，係咪想諷刺恆仔抽佢水宣傳」、「兩位曾經我最親近的人，祝你兩位幸福快樂。暗爆恆仔同佢朋友搞埋一齊？」「一係就直接澄清啦，打埋啲模棱兩可嘅嘢串人博宣傳，本身想撐你都撐唔落啦」
不過有網民質疑恆仔出po的時間：「Close file啦，男果個早唔講遲唔講 賣飛先講」、「咁又遲唔講早唔講，成年揀今日先講又有啲怪。」「我又覺得佢個story make sense..咁拍拖真係2個人都有付出，有責任既..希望2位都可以應付到咁多流言蜚語。」不過亦有網民留言稱：「啱啱search咗，原來係分手一週年，咁個日子合理，唔係博賣飛宣傳」為恆仔澄清。
恆仔喪父與分手的雙重打擊
ToNick主音趙善恆（恆仔）IG千字文揭去年經歷了人生中的重大打擊，他父親因血癌病逝同時與多年拍拖的女友譚杏藍結束了戀情。在父親生命的最後階段，恆仔還要在音樂節上強忍悲痛，哽咽地演唱《離散序》，這一幕無疑讓所有關心他的人心痛不已。
坦言抑鬱一年「爭啲想走」從不知小花新戀情？
（19日）凌晨恆仔透過個人社交平臺發文，勇敢地公開了自己患抑鬱症一年仲「爭啲想走」，但因為作為一個幕前，不想引起不必要的風波以及影響客戶所以一直「扮無嘢」、繼續發放正能量。恆仔大爆與小花分後，似乎是透過別人才知小花的新戀情「當每一個人關心問我點佢哋都會不經意咁講一句：原來你乜都唔知㗎？然後我就會聽到一個新嘅人名」而恆仔表示自己不知道的原因是因為身邊的朋友怕影響到自己所以沒有告訴他。而已恆仔表示近日又有「朋友」再次掀起他的負面情緒，恆仔發現自己真的不能面對這個情緒，所以希望透過今次的千字文讓大家了解「有啲嘢好想講因為我怕我真係會做傻事我只會講一次 都唔會再回應」以及希望那些「朋友」能夠給他一些空間，不要再與他打招呼。
