【跟韓星瘦身】6大 Sistar昭宥減肥 秘訣大公開,S形身材不是夢!

【跟韓星瘦身】6大 Sistar昭宥減肥 秘訣大公開,S形身材不是夢!

流行娛樂

廣告

蒲開高登,就會知班港男睇女有幾咁mean,港女有樣嗰陣,佢哋會嫌人冇胸,夠索又話人無E cup,大又話個樣唔掂同冇靚腳,你話做香港女仔點會唔大壓力先?再望住班K-pop女星,個個樣靚身材正,真係令人好「葡萄」呀!當中要數最索嘅,小記首推韓星昭宥!昭宥個樣喺韓國咁多女團成員嚟講就唔算好標青,不過S形身材就真係數一數二,D級美胸、11字腹肌、蜜大腿、翹臀通通有,全身上下無贅肉,性感健康嘅形象深入民心,證明 Sistar昭宥減肥 方法跟得過,不過原來女神都經歷過黑暗歲月…

text-Edelweiss(ig:lovedelweiss) photo-網上圖片

Sistar昭宥減肥 前都做過肥妹仔㗎!

昭宥講過出道嗰年,1年出咗3張唱片,完全冇休息過,生活變得好唔規律,神經變得敏感兼且失眠,壓力好大所以暴飲暴食,佢話女仔壓力一大,血糖就會下降,所以更加想食朱古力、蛋糕、甜品,不過點喪食心靈都好空虛唔滿足!

幾經辛苦減肥成功!
其實昭宥都意識到自己身材走樣,覺得自己又唔係豬,唔可以再浪費時間,所以決定減肥,咬緊牙關決心變瘦,地獄式節食加埋瘋狂運動,1個月減咗8kg,好誇張!

究竟女神係點減肥?
昭宥上個月喺韓國時尚綜藝節目On Style《Get It Beauty》入面,公開1個月減8kg嘅秘訣!見到昭宥嘅減肥成果,係咪覺得人生重充滿希望呢?其實只要你有恆心,你都可以好似昭宥咁成功減磅,不要去羨慕、不要去妒忌,只要跟住去做!

係咪好想知減肥秘訣?快啲click下頁啦~
內容延讀

想再瘦啲,試下齋飲嘅流質減肥法

減完肥,去沙灘曬番個無痛天然紋身,索爆!

1. 瘋狂運動
昭宥為咗減肥真係去到好盡,瘋狂由朝到晚做運動,朝早6:30am起身做高溫瑜伽,之後行20至30分鐘去健身室,做負重練習1粒鐘,再練有氧運動1粒鐘,然後行15分鐘返公司,train完到夜晚再去健身室做gym 1個鐘,然後慢跑1個鐘!而少女時代都表示,佢哋keep fit亦會狂做運動,但唔會唔食嘢。

2. 地獄式節食
減肥最忌唔忍口,減緊肥嘅昭宥每餐只食4個冇蛋黄嘅鵪鶉蛋同1杯牛奶!睇完小記心慌慌,現場觀眾都O晒嘴囉!

自問冇咁大「吉士」餐餐食咁寡,其實昭宥之前喺MBC節目《改變世界的Quiz》入面,都公開過另1個減肥餐單,容易啲跟嘅,嗱,係容易啲㗎喳!

3. 揀適合自己嘅運動
昭宥話一般人唔使好似佢咁搏命做運動,空腹運動效果雖然好好,但會令自己好攰而控制唔到身體,病態減肥反而好傷身!昭宥建議大家要因應自己嘅體質,揀番適合自己嘅運動,同埋要有規律、持之以恆咁做運動。昭宥都有瘦身先瘦胸嘅經歷,減肥好難keep到胸部同埋pat pat,想全身均勻咁瘦可以做多啲有氧運動,想keep住前凸後翹,可以做重量運動,鍛煉局部肌肉,想瘦嘅地方先鍛煉,增加肌肉量,瘦得嚟有適量肌肉線條,望落自然健康又性感。

內容延讀

想再瘦啲,試下齋飲嘅流質減肥法

減完肥,去沙灘曬番個無痛天然紋身,索爆!

4. 減肥期間少啲出街玩
減肥期間見朋友好容易會出事!昭宥話同朋友見面會有好多引誘,佢哋會帶你出街食嘢,反正都食咗一嚿唔差在食多啲啦,聽日先減肥啦,所以減肥期間盡量唔好聯絡朋友,克制玩樂活動!

5. 唔好磅重
昭宥唔會喺減肥期間磅重,唔好太在意體重變化,日日做運動做到流晒汗又唔食嘢,一磅重如果只係輕咗1kg,會好大打擊而想放棄減肥去食嘢同休息!佢會用全身鏡照鏡同埋影相嚟記錄身材變化,1星期測1次就得,唔好俾自己太大壓力,迫得太緊反而會有反效果!

6. 口痕可以食大頭菜
減肥嗰陣口淡淡冇啖好食真係好慘!昭宥4月嘅時候喺SBS節目《深夜TV演藝》到,就推薦咗1樣減肥食物喇,佢話:「我最近都係食大頭菜,不過其實減肥嘅時候唔理食乜都好香。」其實大頭菜低卡又有營養,100g嘅大頭菜水分含量高達93.5%,熱量只有25卡路里,而且又高纖,啱晒口痕嗰時食!

YOU MAY ALSO LIKE ...

There are 4 comments

Add yours

Comments are closed.