直擊謝安琪人妻的日常 孖張繼聰出巡為好友慶生
撰文：東方新地 ｜ 圖：東方新地｜ 編輯：K.P（原文刊於：東方新地）
謝安琪穿鬆身裙 孖張繼聰荃灣出巡
是非一大籮，不過謝安琪就繼續我行我素，對於纖體廣告告吹，她向傳媒表示自己珍惜每一段合作關係，又揚言每一段合作都應遵守保密協議，四両撥千斤。日前她懶理是非同老公出巡會友，由老公張繼聰駕車一同由大埔比華利山寓所出發，二人先去附近取蛋糕，久未露面的她，當日身穿鬆身裙驚現水桶身形，未知是否因疫情經常留家炮製美食及少做運動引致，兩公婆再到荃灣會合友人，謝安琪先下車與女友人步入屋苑，張繼聰則去泊車後再會合老婆。對是非處之泰然，謝安琪肯定是高手！
直期人妻天后出街look！陳慧琳過萬「街坊裝」出巡
今時今日叫女神太濫，48歲紅足25年、靚足25年的 Kelly才是真真正正氣質天后，氣場25年不變。長髮飄飄、化著淡妝，雖然戴了口罩，依然可見眉清目秀臉上一點沒有歲月痕跡。雖然不是工作不用面對公眾，街坊裝都是黃色格仔連身裝加上啡色真皮手袋用心襯過。留意番衣架身形又眼光獨到，Kelly身上連身裝係英國品牌韓國設計師小眾高端潮牌，顏色和剪裁唔係人人 Carry到，而抗疫大半年，個個走樣增磅包包面，唯獨 Kelly無論容貌定身材都 keep到，狀態Keep住喺全盛時期。難得出門，可能始終兩個寶貝仔就快放學，Kelly蜻蜓點水式逛完時裝店，未有斬獲就決定打道回府，臨走不忘禮貌地對記者打聲招呼講聲再見。
楊千嬅巨躉遊街
過去多年千嬅都專注在事業上，即使生了Torres亦未試過做全職媽媽，老公丁子高亦不知道千嬅原來入得廚房，知情者透露：「隔離兩星期，千嬅煮足咁多餐，丁生同個仔依家先發現原來千嬅煮嘢咁好食，從此唔再叫工人姐姐煮嘢，老公同囝囝都咁捧場，高度讚賞亦令千嬅得到前所未有嘅滿足感。以前為咗工作要表演，千嬅飲食都要好節制，但其實佢本身好鍾意食嘢，呢段時間日日煮不停試食，千嬅冇得避，全家都幸福肥，雖然都有喺屋企做運動，但幫唔到好多。」日前本刊記者見千嬅獨自到中環 ifc買完咖啡逛超市，一身 oversize闊Tee闊褲造型，福氣盡現，她在超市內掃入大量新鮮蔬果與凍肉，然後返陽明山莊屋企繼續大展身手。疫情持續令千嬅收唔到手，最大得益者唔使講一定係大細丁生啦！
