張新悅一家六口享天倫樂 分享夫妻相處恩愛秘訣

撰文、圖片：東方新地 ｜編輯：K.P（原文刊於：東方新地）

張新悅分享13年來保持恩愛秘訣

嫁作人妻、又係四個千金嘅媽媽，張新悅經常分享自己一個湊四個為人母心得，以及同丈夫結婚13年來保持恩愛嘅秘密。雖然一樣有讀書進修、一樣有社交生活又間中出席公開活動，張新悅都係話想關係好一定要日日見，所以工作、朋友排名永遠唔及老公、女兒同家人：「 我知道好多人成日擺低老公做自己嘢，我唔係，啲姊妹都話約我食飯起碼要約兩個月，因為我一定要同先生食飯、同小朋友食飯、同老爺奶奶食飯、仲要同自己屋企人食飯，因為維持好關係就係要成日見㗎嘛！」

一家六口老式豪宅曝光

唔係得把口，睇楊太個人 IG 的確係九成內容都係四個女同一家六口家庭樂，好多相仲係喺自家大宅內拍攝。老爺楊孝華係自由黨成員、做過國泰高層亦有經商，家境富裕，老公楊哲安亦同樣係自由黨成員、英國牛津大學畢業，又係倫敦政治經濟學院理學碩士，身為中西區山頂選區區議員，屋企當然都係位於老牌豪宅林立嘅中西區，家中間隔四正闊落、面對南區優美景致，又有老式豪宅必備超大露台，目測起碼二千呎，就算有四個女都一定夠住有餘！

同場加映：

Mandy Lieu豪擲2億入購英國莊園 網友：搞咩成個C朗咁樣？！