印度抖音來勢兇兇挑戰TikTok 全球十大熱門App排名出爐

Q: Instagram最強烈建議做什麼行動?

在Instagram帳號被盜用前題下，IG官方強烈建議啟用... 詳情請看

Mar 10 2021

根據外媒市場研究數據指出，今年二月份TikTok抖音喺「Google Play商店」及「蘋果App Store」兩大平台嘅巨額下載量再度蟬聯全球十大熱門App榜首，而印度版嘅「山寨抖音Moj」亦成功擠入全球十大熱門App，印度自從宣布永久禁用抖音嘅政策之後，用戶紛紛都轉移下載主打年輕用戶嘅「Moj」度，來勢兇兇嘅佢到底有冇機會挑戰成功呢？

撰文：odin | 圖片來源：sensortower

【TikTok】全球十大熱門App排名出爐

今年二月份TikTok抖音喺「Google Play商店」及「蘋果App Store」兩大平台嘅下載量足足超過5,600萬，成功再度蟬聯全球十大熱門App嘅榜首，用戶主要嚟自中國及美國分別佔18%及11%，此外第二名由臉書(Facebook)以下載量超過4500萬獲得，嚟自印度嘅用戶就佔咗27%，從外媒市場研究數據指出，十大熱門App除咗有「Instagram」、「WhatsApp」等老面孔外，近期爆紅下載量大幅提升，只有iPhone用戶可以下載嘅語音社群軟體「Clubhouse」亦成功拿下「App Store」下載量嘅第七名。

【TikTok】印度抖音來勢兇兇挑戰TikTok

最後值得一提嘅就係印度開發商推出呢款有「山寨抖音」之稱嘅App「Moj」，亦成功擠入全球十大熱門App，據外媒報導印度自從宣布永久禁用抖音嘅政策之後，用戶紛紛都轉移下載主打年輕用戶嘅「Moj」度，目前「Moj」喺「Google Play商店」嘅累積下載量已經超越1億大關，來勢兇兇嘅佢到底有冇機會挑戰成功呢？