200萬followers 4大ig女教玩交友App必殺技

熱話

廣告

提起《Tinder》、《SKOUT》呢類交友App,好人覺得係約炮App,其實玩家嘅用法先係令個App變質嘅原因。其實識得用,分分鐘學到多種語言添,但玩交友App都講技巧,男仔玩最怕冇人理你;女仔玩放相又有咩策略呢?於是搵咗我啲女神fd子嚟教路。

原來好多男仔都唔知乜嘢相先吸引到女仔,教埋同女仔講嘢有乜要注意喇。記住睇完share俾朋友一齊學嘢,而女仔睇完都會學到嘢。
text-Nam photo-網上圖片


Ashly Chan著名YouTuber、高登娘娘)
ig:ashlychan0113
followers:62.2k
交友App張相,如果佢係同動物合照嘅話,我已經會加分,同埋hi我一定會覆佢,我好簡單㗎咋。不過張相不能太chok,例如自戀式嘅自拍,懶有型咁,就算真係好靚仔都唔得,正常自拍已經足夠,同埋張相如果係合照,無論男女都好,我都唔知你到底係邊個,會令我覺得佢好古惑又好冇自信,唔得。如果你用動漫相我一定會理你,因為我都鍾意動漫。有時上網會有啲男仔,講唔夠兩句就約食飯,叫我影張自拍俾佢睇,又或不斷吹噓自己好叻好有錢咁,都會嚇親人,最好唔好啦。」

Lilian Kan(時裝設計師)
ig:liliankan
followers:59.1k
「張相首先要睇到個樣,嗰啲藝術feel、自畫像都會扣分,因為我會覺得唔公平,我個樣你就知道係點,我就唔知你個樣,玩交友App就更加唔可以驚咁多,坦誠啲俾人睇,亦唔使太扮嘢。千祈唔好唔着衫,我好怕啲大隻佬唔着衫騷肌肉,唔係唔得,1、2張都夠,大部分都係咁會嚇親我。開場白都好緊要呀,我個facebook成日收好多PM,但都絕少會覆,通常覆嘅都係俾我覺得佢好真誠,如果第一句就『妳好靚呀,係咪做model?』肯定唔會理佢,唔好太奉承我個樣,我當然都鍾意同埋好需要男仔讚我靚,但第一句就咁,感覺唔好。溝通上都要注意唔好好似審犯咁,好似『你住邊?做緊乜呀?』咁就唔好,應該禮貌少少,有來有往,講咗自己先,再問我,咁先係交流呀。」

Vivi Tam(模特兒)
ig:vivivvtam
followers:48.7k
「唔鍾意男仔同車嗰啲合照囉!我好唔鍾意呀,點解呀?我都唔知呀,覺得唔好囉!如果佢張相係同寵物合照,我會有分加嘅,好似生活習慣健康啲,亦顯出個男仔有愛心,溝通嗰陣呢,就最好唔好第一句就讚我好靚呀,又或者急急就約我食飯、行街、睇戲,令我會覺得佢好似成日周圍識女仔咁,咁就梗係扣晒分啦。」

Kiki Tam(藝人、歌手、網絡紅人)
ig:kikitamkiki(o趙海珠)
followers:31.4k
「最出事梗係自戀嗰啲相啦,對住塊鏡晒肌肉,張張大頭,個feel就俾人覺得佢好似以為自己好多女,化晒妝又戴晒con,咁實唔得。如果想引到我睇佢啲相先,加分嘅就係旅行相啦,如果我見到佢有好多戶外相,生活好似好精采咁,又好鍾意做運動,笑容親切,就一定最加分。不過只係第一步,若然佢開場白就係『hi』之後又唔講嘢,諗住等我覆,倒不如講下自己興趣,睇下大家啱唔啱key,千祈唔好問我幾歲住邊嘩妳好靚,我最唔接受。如果對方可以睇晒我啲嘢,例如識講下我工作,對號入座,就最易會hit中,因為證明佢對我好有興趣,咁我都會對佢好有興趣,就易溝通啦!」

總結:
聽完4位神級IG女講,我有以下結論俾咁多位潮人,都係嗰句,啱睇就俾個like同share俾朋友仔啦!
1)生活相要露全相
張相唔好太造作,正常生活相已經足夠,造作過頭,小心chok親條頸,戴超扮型嗰啲傾熟咗再share唔遲。另外10個女仔10個都怕大隻佬,就算佢幾想男仔有健美身材都好,唔好太over,記住呢個係交友App,若然未傾偈已經俾你陣霸氣震懾,甚至見唔到你個樣,就已經等於衰咗大半。
2)開場白要夠細心
無論做乜都好,永遠都係萬事起頭難,所以開場白非常重要。嗰啲輕佻扮型,例如「U seem like fun」呢類連希哥都係勉勉強強handle到嘅開場白可免則免,另一種係「Hi cutie」、「Hello 靚女」等,正常喺街想識個陌生人,相信都唔會咁講嘢。何況用交友App識朋友,你最少已經知道對方個名,重叫靚女實在多餘,不如叫番人哋個名重親切。

3)審犯態度乞人憎
識朋友唔係審犯,何況你想同目標更親近。唔好好似阿爸教訓個女、阿Sir審犯咁溝通,「一陣去邊?」、「而家做緊乜?」、「今日忙唔忙?」,你以為冇問題其實大有問題。如果你真係唔識,咁記實一個準則:「問之前,講咗自己先。」。「我一陣去睇演唱會,妳一陣去邊?」、「我而家準備瞓覺,妳而家做緊乜?、「我今日忙到爆,妳今日忙唔忙?」溝通上已經好好多。俾多個tips大家,如果已經認識咗並覺得有一定程度友情,可以省卻「hi」、「早晨」呢類開場白,想講乜就即講吧。
4)投其所好最加分
要一擊即中,最好嘅方法係細心咁睇下對方嘅相同簡介有冇蛛絲馬跡,再投其所好,例如對住Lilian,一句「Hi Lilian,我好欣賞妳啲衫嘅設計,上次Sony活動啲model衫妳整得好details!平時妳啲靈感點嚟?」簡簡單單,就算唔係最靚開場白,都最少會呃到佢回你一句說話(留意番,女神同聖鬥士係一樣嘅,同一招用喺女神身上唔會有效,我已經用咗,你咪再試)。另外,終結話題時最好都俾啲誠意,唔識就講句「好高興認識妳」,老土但唔會錯。不過部分靚女實在「閱仔無數」,你咁圓滑又可能令佢哋覺得你老謀深算好恐怖……記住,女神都係難服侍嘅,俾啲耐心啦。

內容延讀:

>交女友切忌交港女 睇吓網絡紅人占士.甸峰有乜高見

>【真的露點了?】泫雅寫真又發功 半裸睇真啲(16P)

5大交友App推介 呢期必玩Hellotalk

1)Hellotalk 語勢有時頗大 
云云交友App中最想介紹就係《Hellotalk》,皆因佢最有「教育意義」。《Hellotalk》原意係令全世界嘅人,都可以喺呢個App內搵到語文老師,唔明?簡單講,當開戶口嗰陣,你需要選擇你嘅母語,同你想學嘅語言,設定完之後,系統就會根據你嘅選擇去分配朋友俾你。例如,我設定母語係英文,想學韓文,咁佢就會推薦一啲想學英文嘅韓國朋友俾我,然後你就可以同佢哋傾偈。最妙之處係,就算你暗瓦底都只係想「識朋友」都好,由於個App冇得俾你放大量高清相(只能揀1張細格profile相),而且介面都係實用為主,變相搵得你傾偈嘅人,其實多少都真係會教埋你佢嘅母語,當你教人英文時,同樣你又學到韓文,你話係咪幾正先。

可能你會話,咁你又唔識韓文,對方又唔識英文,雞同鴨講點學?《Hellotalk》就係勁在內置埋翻譯,而且有埋語音功能,當你睇唔明韓文,翻譯番就明咩意思,唔識點發音,就請對方真人口講俾你聽,玩得個App都唔怕分享,不妨多試。實際試用,我發現母語係英文嘅話,的確會容易啲識到外國人,但你一樣可以揀廣東話或繁體中文試試。有得識下韓妹或oppa之餘又可以學到嘢,重掛住溝女(仔)、約炮咁膚淺就抵你一世冇拖拍啦。

下載:iOS/ Android

2)《SKOUT》seems like fun
估計係全港最多人用嘅交友App,非常老牌,用法亦好直shot,估計唔少交友App都係參考佢,連高登都有巴打專出SKOUT食女攻略(睇你信唔信囉)。有利有弊,當個App受眾愈來愈多,就會引來好多奇怪後果。目測都係男仔玩較多,而且目的都非常清晰,你懂的。新手基本上一玩就會發現好多女會同你打招呼,但傾傾下就會叫你買保險或直接約你銅鑼灣地鐵站等(叫你去傳銷公司呀醒目仔!)之類,小心小心。

下載: iOS /Android

3)碧咸都玩《Tinder》
聽聞咸爺Beckham都用過《Tinder》同MTV女主持人兼模特兒Lilah Parsons傾偈,加埋上年索契冬奧時,報紙踢爆新西蘭靚女單板滑雪選手Rebecca Torr,用過《Tinder》同另一位牙買加選手互動,所以紅遍外國。事實上,《Tinder》利用咗「世界上所有人都可以通過至多5個中間人串聯」呢個法則,當你利用facebook連結後,佢就會為你推薦4個「一定距離」裡面嘅人俾你,而呢4個人其實已經分析過你嘅facebook朋友圈、嗜好、活躍度等,並非真係隨機亂嚟,成功總有因嘅。

下載:iOS/ Android

4)文青推介《Coffee Meets Bagel》
聽個名就知係文青嘢,事實上《Coffee Meets Bagel》個玩法都非常斯文,絕對唔係「搵食工具」,佢個機制係每日只會推薦1位朋友俾你,重質唔重量。由於呢個App係全英文之餘,1日先識到1個fd,效率又低,基本已杜絕咗好多低質嘅「搵食」朋友,或心懷不軌專show事業線做profile相嘅囡囡,玩得嘅大部分係ABC甚至西人,聞說中環唔少OL都有玩。若然你係真心想識個對象,但平時真係冇乜機會嘅巴打或絲打,個人推薦你可以試試佢。

下載:iOS /Android

5)《BeeTalk》我愛台妹
2014年台灣最多人用嘅交友App,重搵過天后蔡依琳拍廣告,多少證明到佢有好多台灣用戶,好似記者身邊唔少朋友都對台灣男仔同女仔好有興趣,呢個App應該係首選。功能上佢有個「搖一搖」功能,當你唔知做乜好嘅時間,搖一搖就會幫你配對番同你同樣無聊嘅人俾你,遇到怪人你亦可以block佢,唔使等佢煩住你,其他功能都大致差唔多。呀,唯一一樣,佢有個讀後即del嘅功能,至於呢個功能實際上幫到你啲乜呢,就麻煩大家自己研究嘞。

下載: iOS / Android

有沒有關於香港的有趣盤點?

香港地從來不乏心靈熱點,香港不少地方均設立行刑場,正正是大部分屋邨興建時的前身,盤點香港猛鬼屋邨 ,信不信由你!不少朋友都喜歡想當年,香港懷舊小食 及這10款最愛夾糖是不少人的共同回憶,沒有高檔的食材,卻塑造出最難忘的味道。提到昔日蒲點,旺角絕對係大家留低最多腳毛嘅地方,千禧年代必去蒲點 ,你又去過幾多個呢?

有甚麼必學生活小智慧?

天氣時熱時凍,容易令人患上小感冒,唔想次次依靠藥物?可以試試這8招必學鼻塞穴位方法7大喉嚨痛舒緩方法。除了感冒外,生痱滋亦非常影響日常生活,坊間有各式各樣的解決痱滋方法,助你解決痛楚!

There are 6 comments

Add yours

Comments are closed.