【好出唔出!】《 街霸2 》出輸機樣半身像

熱話

廣告

《Street Fighter 5》會喺出年春天推出,而遊戲Beta測試版都會喺聽日面世,各位街霸迷係唔係已經忍唔住練定chok波同chok昇龍拳呢?雖然新一代《街霸》喺畫面同連續技方面都全面提升,不過要數最深入民心,一定係《 街霸2 》,由8個可用角色陸逐增至16個,就連出招都各有不同,最抵死係每局打敗對手(或者被對手打敗orz……),本來好英偉嘅角色,都會變晒做豬頭炳,喺你慘不忍睹下入錢續game!

喺剛過去嘅日本figure展Wonder Festival 2015 Summer,有參展商就推出「《 街霸2 》敗部面顏」頭像figure,12個常用角色(好彩冇我嘅女神Cammy啫!)都以「口腫面腫」嘅形態露面,全部都跟足晒遊戲設計,當中「軍佬」Guile就好似中咗「面目全非腳」咁,只係認得個髮型;而眾多角色中,算係最「優待」春麗,只係少少瘀傷同以淚洗面。雖則話呢套figures夠晒經典,不過次次望住佢哋都問你「Continue?」,好似預視你打親《街霸》都輸,唔多「老黎」喎……

text-Oscar

 

Ryu、E.Honda

 

Ken、春麗

 

蘇聯佬、印度佬

 

Balrog、Vega

 

Blanka、軍佬

有沒有關於香港的有趣盤點?

香港地從來不乏心靈熱點,香港不少地方均設立行刑場,正正是大部分屋邨興建時的前身,盤點香港猛鬼屋邨 ,信不信由你!不少朋友都喜歡想當年,香港懷舊小食 及這10款最愛夾糖是不少人的共同回憶,沒有高檔的食材,卻塑造出最難忘的味道。提到昔日蒲點,旺角絕對係大家留低最多腳毛嘅地方,千禧年代必去蒲點 ,你又去過幾多個呢?

有甚麼必學生活小智慧?

天氣時熱時凍,容易令人患上小感冒,唔想次次依靠藥物?可以試試這8招必學鼻塞穴位方法7大喉嚨痛舒緩方法。除了感冒外,生痱滋亦非常影響日常生活,坊間有各式各樣的解決痱滋方法,助你解決痛楚!

There is 1 comment

Add yours

Comments are closed.