龍心進駐小紅書轉形做「愛國KOL」？！連出3條片拎國旗開拓內地市場

Jan 3 2024

YouTube界的一大「話題男神」龍心，喺移居英國後就宣布淡出YouTube界，近日回港參考鍾培生的拳賽，大戰網路紅人劉馬車，最後因劉馬車被捕「no show」改成與來自台灣的拳手宗建和香港拳手曹Bee進行對決。龍心面對兩名職業級選手，打足7個回合，令人對佢印象改觀。後來龍心疑似復出，不斷拍片大講「宇宙大道理」，近日仲開埋小紅書，似乎要轉形「愛國KOL」？！

龍心進駐小紅書講英文打招呼網民：想在中國混就講國語

近日「話題男神」龍心進駐小紅書，po出3條影片，第一條係龍心係咁講英文表示「In this world only have 2 Types of people」跟住連環爆出一埋英文「Fixed mindset」「Fear Jealousy Doubt」「Growth mindset」「Brave」「Gratitude」「Decisive」最後就話自己係「Dragonheart Fixed mindset」不過呢條英文片內地網民似乎唔多受落，話聽唔明叫龍心講返中國話，仲開始質疑到底呢個係咪真．龍心「都唔知你up乜，講中國話好嗎？」「想在中國混就講國語」「No I don’t Your English are bad」「童年回憶」

龍心拎國旗無厘頭碌落山內地網民大讚終於正常返

第2條片係龍心拎住國旗喺沙丘，然後突然自己無厘頭碌落山，龍心仲喺影片中表示「熱愛祖國」，睇嚟龍心打算開拓內地市場！好多內地網民大讚龍心做得好，係偶像，真心型「無得頂」「龍哥好野，關注你4年了」「好型呀」「終於正常返次」「活出自由，活出自我」

龍心進駐小紅書用舊片打招呼現龍心粉絲

呢3條係龍心的舊片，當時佢勇闖城市論壇，表示「香港朋友你哋好，我係來自美國三藩市嘅福清幫第2把交椅龍心438」估唔到小紅書都幾多網民認到龍心，仲自稱係龍心粉絲，粵語粗口都係跟龍心學返嚟，又叫龍心快啲開埋抖音！「好出色的網紅呀，快點開抖音」「當年看到這視頻就迷上龍心了」「我跟龍心學粗口的」「你粉絲全廣東的」又有網民指福清幫全寫其實係「福建青年幫助弱勢社群協會」現時龍心小紅書已經有過千的粉絲follow佢。