TikTok抖音名牌仿冒品出現率最多排行榜 Rolex竟然唔係第一

腕錶

廣告

TikTok好唔好玩見仁見智,但喺年輕人市場確有一定影響力。最近外媒製作出一個有關被冒仿最多名貴品牌排行榜,Rolex喺社交平台TikTok抖音被標註名貴品牌仿冒品Hashtags瀏覽率竟然唔係第一名!咁究竟Rolex排第幾?而第一名會係?

撰文:Janet |圖片來源:TikTok、Rolex、GUCCI、LV

TikTok抖音名牌仿冒品出現率最多排行榜

究竟邊個名貴品牌於TikTok抖音上被標註仿冒品Hashtag最多?答案係GUCCI,截至2021年6月初,GUCCI被標註#fakegucci瀏覽次數達到1,360萬次,至於Rolex其實都唔係輸好多,以1,170萬次瀏覽量排名第二。

Rolex以1,170萬次瀏覽量排名第二(圖片來源:Rolex)
Rolex以1,170萬次瀏覽量排名第二(圖片來源:Rolex)
GUCCI被標註#fakegucci瀏覽次數達到1,360萬次(圖片來源:GUCCI)
GUCCI被標註#fakegucci瀏覽次數達到1,360萬次(圖片來源:GUCCI)

 

今次負責調查嘅係一間英國比價網站,佢地由經濟合作暨發展組織(OECD)研究中啟發出今次調查,因為OECD其中一份研究報告指出,目前每年全球仿冒品交易額約5000億英鎊,而且數字更持續上升,可見仿冒品市場有多誇張。就係因為咁,英國比價網站喺TikTok抖音上調查仿冒品Hashtag出現得最多次數去作排序,繼而得出今次結果。

英國比價網站喺TikTok抖音上調查仿冒品Hashtag出現得最多次數去作排序,繼而得出今次結果(圖片來源:TikTok)
英國比價網站喺TikTok抖音上調查仿冒品Hashtag出現得最多次數去作排序,繼而得出今次結果(圖片來源:TikTok)

 

Rolex於今次排行榜雖然只得第二名,不過佢同第一名嘅GUCCI所獲得仿冒品Hashtags瀏覽次數整遠高於其他品牌,因為排行第三名嘅LV瀏覽次數為200萬,而第四名DIOR更只得28萬,相比有1,170萬次瀏覽量嘅Rolex,真係遠遠被拋離,可見Rolex於仿冒品市場受歡迎程度。當然啦,呢個風氣絕對唔健康,要買當然要支持正品。

排行第三名嘅LV瀏覽次數為200萬,遠遠被Rolex拋離(圖片來源:LV)
排行第三名嘅LV瀏覽次數為200萬,遠遠被Rolex拋離(圖片來源:LV)

有香港買勞力士攻略嗎?

ROLEX既是身份的象徵同時亦能保值,若然是新手初哥,最好就在購買前必讀香港買勞力士攻略。心思思唔知買咩款好?立即參考Rolex Daytona五大最受歡迎款式/Rolex保值款。想隻Rolex保持得「靚靚仔仔」的話,即學8招勞力士保養方法

買二手勞力士有甚麼需要注意?

買二手錶最怕就是買列假貨,7大要點教你分辨真假Rolex。要買不一定要去二手錶店,以下3大世界二手錶網店推薦,都是信譽良好的二手名錶網站,讓你較低機會買到假錶外,還可知道市場價格、二手市況等!注意,勞力士推新制「二不策略」,規定經銷商(AD)不可以以超過該手錶的公價去售賣,因此若發現超出定價切勿購買!