Rolex Daytona又再出Tiffany色? 以The Yas Marina Circuit為概念 白陶瓷設計極搶眼

Rolex Daytona又再出Tiffany色? 以The Yas Marina Circuit為概念 白陶瓷設計極搶眼

腕錶

Rolex Daytona又再出Tiffany色,係真唔係呀?真就係真嘅,不過並非官方出品,而係改裝款式。如果你對賽車有一定認識,咁你一定聽過The Yas Marina Circuit,賽道嘅PIT區與彎道緩衝範圍處採用一種近似Tiffany色油漆,甚至獲得Yas Marina Blue之名,成為賽道代表性特徵。最近德國名錶改裝錶品牌AET REMOULD受到The Yas Marina Circuit啟發,特別製作一款限量版勞力士Daytona,錶面用上大熱嘅Tiffany色成為話題,而最吸引嘅係,定價竟然比預期低,究竟係幾多?

撰文:Janet|圖片來源:[email protected]__remould、PATEK PHILIPPE官網截圖

Rolex Daytona又再出Tiffany色?

德國名錶改裝錶品牌AET REMOULD向來擅於改裝名錶,最代表性設計係藍寶石水晶錶殼及陶瓷錶殼。而今次The Yas Marina Circuit為概念嘅Rolex Daytona用上白色陶瓷質料,而金屬錶帶亦改為白色陶瓷,新鮮感十足。

今次The Yas Marina Circuit為概念嘅Rolex Daytona用上白色陶瓷質料(圖片來源:IG@aet__remould)
今次The Yas Marina Circuit為概念嘅Rolex Daytona用上白色陶瓷質料(圖片來源:[email protected]__remould)

呢款別注Rolex Daytona錶面用上近來因Patek Philippe與Tiffany合作而大熱嘅Tiffany色,相當搶眼!湖水綠色配合白色陶瓷錶色互相輝映,層次感十足。

錶面用上大熱嘅Tiffany色(圖片來源:IG@aet__remould)
錶面用上大熱嘅Tiffany色(圖片來源:[email protected]__remould)
Patek Philippe最近與Tiffany合作,成為錶界熱話(圖片來源:PATEK PHILIPPE官網截圖)
Patek Philippe最近與Tiffany合作,成為錶界熱話(圖片來源:PATEK PHILIPPE官網截圖)

至於大家最緊張嘅定價方面,雖然錶款僅只限量發行18枚,但定價卻只係美金$58,900(約港幣$459,511,以Daytona定價嚟講確實唔貴,不過咁嘅價錢,相信大把人爭住入手。

錶款僅只限量發行18枚(圖片來源:IG@aet__remould)
錶款僅只限量發行18枚(圖片來源:[email protected]__remould)

YOU MAY ALSO LIKE ...