Rolex白陶瓷Daytona融入畢卡索名畫 今次客製改裝收費幾多？
廣告
Rolex Daytona成為近年最受歡迎錶款，而唔少Daytona錶主為求獨一無二，都會拎去改裝。最近美國邁阿密知名珠寶鐘錶店CRM Jewelers於IG上分享一款改裝勞力士Daytona，而呢隻Daytona更唔係非一般款式，全因呢隻客製Rolex Daytona加上畢卡索名畫。
撰文：Easy丨圖片來源：Instagram
Rolex白陶瓷Daytona融入畢卡索名畫
圖中Daytona出自德國改裝品牌AET REMOULD，向來擅於用晶體切割技術改造錶款，主要採用藍寶石水晶及陶瓷兩種材質。而今次圖中嘅Daytona用上白色陶瓷錶殼，帶點CHANEL J12味道。錶殼改成陶瓷殼，而按把及錶冠用上玫瑰金，而錶圈上適當地加上紅色作點綴，大大提高層次感。
至於面盤上圖案來頭不小，佢其實係畢卡索於1930年代所創作名畫《Le Rêve》，係史上最昂貴畫作之一。而AET REMOULD獲得Picasso Group官方授權可將呢幅名畫複製放入手錶上。而呢款改裝Daytona僅限量發行10枚，而根據AET REMOULD官網所公佈改裝價格，定價為歐元51,200歐元(約港幣$482,280)，並提供三年保養。剩係改裝費已經夠你買一隻Daytona…
有香港買勞力士攻略嗎？
ROLEX既是身份的象徵同時亦能保值，若然是新手初哥，最好就在購買前必讀香港買勞力士攻略。心思思唔知買咩款好？立即參考Rolex Daytona五大最受歡迎款式/Rolex保值款。想隻Rolex保持得「靚靚仔仔」的話，即學8招勞力士保養方法。
買二手勞力士有甚麼需要注意？
買二手錶最怕就是買列假貨，7大要點教你分辨真假Rolex。要買不一定要去二手錶店，以下3大世界二手錶網店推薦，都是信譽良好的二手名錶網站，讓你較低機會買到假錶外，還可知道市場價格、二手市況等！注意，勞力士推新制「二不策略」，規定經銷商（AD）不可以以超過該手錶的公價去售賣，因此若發現超出定價切勿購買！
