買勞力士注意事項!新手買邊款Rolex手錶最保值?

腕錶

廣告

買勞力士注意事項丨勞力士係唔少人花一生去追求嘅品牌,始終玩Rolex真係有太多學問,例如咩係水鬼、咩係地拖、咩係Benz針等,對一眾想入門嘅新手嚟講,更係一項相當深奧嘅話題。有見及此,我地新Monday特別請來香港VRHK嘅阿Ming,為一眾Rolex新手,由淺入深去講解勞力士入門要注意嘅事項。

撰文:Easy | 圖片來源:新Monday

Rolex百科全書】新手買Rolex注意事項

買勞力士注意事項 嘉賓:資深錶友-阿Ming
嘉賓:資深錶友-阿Ming

買勞力士注意事項 1.有咩Rolex錶款最推介俾新手?

阿Ming:「勞力士有好多唔同種類錶款,由最基本Oyster Perpetual,再高一級嘅Datejust,或者現在最流行最經典運動錶,譬如GMT-Master,最長青嘅Submariner,或者Daytona,都係大家可以考慮嘅手錶。」

買勞力士注意事項 Oyster Perpetual
Oyster Perpetual
買勞力士注意事項 GMT-Master
GMT-Master
買勞力士注意事項 Submariner
Submariner

買勞力士注意事項 2.第一次買Rolex 應該買邊款?

阿Ming:「至於要買邊款,我會覺得係要揀一啲比較長青或者classic嘅錶款,我有少少經驗可以分享俾大家,買一隻手錶同買樓一樣,可能自己預算買10萬蚊,望就望15萬或者甚至乎更加貴嘅錶,所以盡你能力,買最鍾意嗰一隻,千祈唔好俾個預算限制得太死,如果你心目中有一個好鍾意嘅型號,譬如當係Daytona,但最後因為預算問題,揀咗Submariner或者GMT-Master,你就只會永遠戴就戴次選,望就望住當年自己最鍾意嗰隻dream watch。」

買勞力士注意事項 盡你能力,買最鍾意嗰一隻
盡你能力,買最鍾意嗰一隻

買勞力士注意事項 3.要注意尺寸

阿Ming:「大家買第一隻勞力士嘅時候,我覺得有一樣嘢要注意,就係尺寸,因為勞力士會因為潮流改變,不斷將尺寸、厚度微調,譬如最近Submariner由40mm增至41 mm,而舊款錶甚至乎會再細少少,所以將手錶試上手好緊要,錶款大小之外,厚度都會影響你觀感。
另外,尺寸影響受歡迎程度邦普及度,以Deep Sea為例,佢自稱係勞力士裡面潛得最深嘅錶款,但最後礙於佢個尺寸導致二手價咁多年來冇郁過,但Rolex其他款式已經上到去可能喺二手市場超過10萬,所以尺寸係會影響隻錶命運。」

買勞力士注意事項 要注意尺寸
要注意尺寸
買勞力士注意事項 尺寸係會影響隻錶命運
尺寸係會影響隻錶命運

買勞力士注意事項 4.買Rolex點先唔使輸?

阿Ming:「慢慢隨着咗佢個廠定價上升,各方面會因而加價,所以你基本上買得Rolex,未必話一定賺,但你輸嘅錢係有限,絕對計到數嘅,尤其是勞力士、Tudor,你長年累月戴落去, 基本上都係贏錢多。如果以一
隻新嘅勞力士去計,如果你玩經典款,譬如運動錶,8折已經係一個封底數字,但如果你玩一個鑽石錶、珠寶錶,如Day-Date,佢可能要50萬-60萬一隻,會蝕嘅錢可能會多啲,因為呢類錶於二手市場唔係咁高價值,可能係一隻60萬定價嘅錶,但二手市場係得40萬,令你要輸好多。
正常嘅運動錶,基本上8折已經係一個封底嘅數,甚至可能係9折,所以你玩較長青錶款就可以玩得好輕鬆,例如你看似係買咗隻20萬嘅錶,但佢二手嘅價值可能係$18萬5千,咁你其實只係用咗$1.5萬買呢隻錶,呢種計法係好多玩Rolex常用計法,大家可以參考一下。」

買勞力士注意事項 你基本上買得Rolex,未必話一定賺,但你輸嘅錢係有限
你基本上買得Rolex,未必話一定賺,但你輸嘅錢係有限
買勞力士注意事項 Day-Date,佢可能要50萬-60萬一隻,會蝕嘅錢可能會多啲,因為呢類錶於二手市場唔係咁高價值
Day-Date,佢可能要50萬-60萬一隻,會蝕嘅錢可能會多啲,因為呢類錶於二手市場唔係咁高價值
買勞力士注意事項 正常嘅運動錶,基本上8折已經係一個封底嘅數
正常嘅運動錶,基本上8折已經係一個封底嘅數

有香港買勞力士攻略嗎?

ROLEX既是身份的象徵同時亦能保值,若然是新手初哥,最好就在購買前必讀香港買勞力士攻略。心思思唔知買咩款好?立即參考Rolex Daytona五大最受歡迎款式/Rolex保值款。想隻Rolex保持得「靚靚仔仔」的話,即學8招勞力士保養方法

買二手勞力士有甚麼需要注意?

買二手錶最怕就是買列假貨,7大要點教你分辨真假Rolex。要買不一定要去二手錶店,以下3大世界二手錶網店推薦,都是信譽良好的二手名錶網站,讓你較低機會買到假錶外,還可知道市場價格、二手市況等!注意,勞力士推新制「二不策略」,規定經銷商(AD)不可以以超過該手錶的公價去售賣,因此若發現超出定價切勿購買!

圖片來源:新傳媒資料庫、Rolex官網