【Rolex百科全書】買古董Rolex要注意嘅事項 買勞力士二手Daytona最緊要睇部件

【Rolex百科全書】近年古董Rolex嘅價錢愈炒愈誇張,聽唔少錶友講,玩古董勞力士真係有好多學問,一個唔小心就俾人當水魚。唔想變水魚?今次就揾咗資深錶友、香港古董Rolex協會VRHK嘅阿Ming,同大家講講關於買古董Rolex要注意事項,例如咩叫「對期」?買二手Daytona要注意邊啲細位?

撰文:Easy | 圖片來源:新Monday、[email protected][email protected][email protected]

Rolex百科全書】買古董Rolex要注意嘅事項

資深錶友、香港古董Rolex協會VRHK嘅阿Ming
資深錶友、香港古董Rolex協會VRHK嘅阿Ming
圖片來源:IG@VRHK
圖片來源:[email protected]

1.「對期」有幾重要?

Ming:「舊錶就如舊車一樣,每一個部件,例如錶圈、一條錶帶、錶面、針,甚至乎個底蓋,全部都有一個價值,一隻錶係全原裝好緊要,所以每一個部件也很值錢,愈舊嘅錶,部件就愈值錢,所以我們買一隻舊錶時,一定要做好多功課,知道錶上所有部件要對期。Rolex現在產量係好大,一年大概有80萬至100萬隻錶,但以前產量沒有咁多,50年代至70年代年產量一定少好多,相對部件嘅產量一樣冇生產咁多,所以咁多年來可以生存落嚟嘅部件只得好少,所以愈舊嘅Rolex部件就愈值錢。大家一定要注錶款部件是否原裝,如果買一隻舊錶時候,以一條錶帶為例,以圖中呢條市價係值$3萬左右,所以貴過新嘅好多,所以「對期」相當重要。」

一隻錶係全原裝好緊要,所以每一個部件也很值錢
一隻錶係全原裝好緊要,所以每一個部件也很值錢
我們買一隻舊錶時,一定要做好多功課,知道錶上所有部件要對期
我們買一隻舊錶時,一定要做好多功課,知道錶上所有部件要對期
愈舊嘅Rolex部件就愈值錢
愈舊嘅Rolex部件就愈值錢

 

2.拎上Rolex原廠驗,佢話真就係等於「對期」?

Ming:「呢個係好問題,好多人都唔知,話Rolex幫我驗證過就等於ok,喺Rolex角度,只要所有部件都係Rolex生產嘅,官方完全係可以幫你驗證到,係無問題嘅,但我地玩舊Rolex嘅角度會有另一套標準,我地追求嘅係呢隻錶,所有嘅部位,包括錶帶、面盤、錶冠、針,甚至乎錶面膠,都要完全同錶款當年出產時一樣,咁呢個標準係高過現時Rolex嘅廠方標準,因為我地玩嘅係一件古董,並唔可以當佢係一隻手錶,所以希望買返同當年出廠配置一樣,所以Rolex幫你驗證到係無問題,但並唔代表你擁有最高、最完美配件及狀態。」

喺Rolex角度,只要所有部件都係Rolex生產嘅,官方完全係可以幫你驗證到
喺Rolex角度,只要所有部件都係Rolex生產嘅,官方完全係可以幫你驗證到
但玩舊Rolex嘅角度會有另一套標準
但玩舊Rolex嘅角度會有另一套標準
所有部位,包括錶帶、面盤、錶冠、針,甚至乎錶面膠,都要完全同錶款當年出產時一樣,呢個標準係高過現時Rolex嘅廠方標準
所有部位,包括錶帶、面盤、錶冠、針,甚至乎錶面膠,都要完全同錶款當年出產時一樣,呢個標準係高過現時Rolex嘅廠方標準

 

3.點為之唔對期?

Ming:「Rolex同一型號嘅生產年期大概10年左右,以Ref.6263為例,大概由1972年去到1987年,經歷咗15年生產年期,唔同年期佢會有物料上改變,或者潮流上或專利上改變,會有唔同特色喺面盤以及配件上面,呢啲就要靠做功課啦,例如Ref.6263「大紅字」,Daytona隻字用上好鮮嘅紅色去寫,隻錶會由1976年去到1987年都係用呢個面盤,咁你話如果我隻手錶Check出嚟係1973年或1974年,但配上呢個「大紅字」就代表唔對期啦。」

以Ref.6263為例,大概由1972年去到1987年
以Ref.6263為例,大概由1972年去到1987年
唔同年期佢會有物料上改變,或者潮流上或專利上改變
唔同年期佢會有物料上改變,或者潮流上或專利上改變
例如Ref.6263「大紅字」,Daytona隻字用上好鮮嘅紅色去寫
例如Ref.6263「大紅字」,Daytona隻字用上好鮮嘅紅色去寫

 

4.古董Rolex有乜大忌?

Ming:「如果舊錶夜光係重新油過、填過,以一隻舊錶嚟講係大忌,呢啲錶價錢可以跌到一半甚至更低,因為我地玩舊錶好追求佢原裝、出廠時候嘅配置,一隻舊錶,錶面佔咗價錢90%左右,你嘅夜光重新翻填翻油過,呢隻舊錶都好難賣出去,呢樣嘢係一個大忌。一隻錶最容易耗損,除咗錶帶之外,就係個殻啦,因為會碰撞及刮花等等,以一隻古董錶為例,最低限度都有20至30年歷史,其實好難搵到一隻錶100%無翻新過,100隻入面未必有5隻完全無重新翻新過,如果有嘅話,呢啲錶最低限值都會高市價3成甚至更高,視乎年紀而定,愈舊嘅錶,搵到愈靚嘅機會係愈低。」

舊錶夜光係重新油過、填過,以一隻舊錶嚟講係大忌
舊錶夜光係重新油過、填過,以一隻舊錶嚟講係大忌
一隻錶最容易耗損,除咗錶帶之外,就係個殻啦,因為會配撞及刮花等等
一隻錶最容易耗損,除咗錶帶之外,就係個殻啦,因為會配撞及刮花等等

 

5.點解古董Rolex近年價錢升得咁誇張?

Ming:「資訊爆炸嘅媒體年代令到舊Rolex嘅普及度突然以倍數級上升,尤其是唔同嘅明星,如周杰倫、John Mayer、余文樂等,佢地都會將一啲嘅收藏放上社交平台,令到舊錶普及度突然上升,繼而令價錢升高。」

圖片來源IG@lok666
圖片來源[email protected]
圖片來源IG@lok666
圖片來源[email protected]
圖片來源IG@jaychou
圖片來源[email protected]
圖片來源IG@jaychou
圖片來源[email protected]

YOU MAY ALSO LIKE ...