Rolex Daytona竟被網民垃圾桶執到?錶友憑6點分清手錶真偽!

腕錶

廣告

Rolex Daytona丨有留意外手錶市場,就知道Rolex的升值潛力相當之大(呢兩年就比較普通),不過俗稱「地通」的Daytona都有一定市場價,所以在街邊執到的話,都真係如獲至寶。有網民咁啱就在垃圾桶執到Rolex Daytona,不過睇上去就好似有少少問題!

Rolex Daytona竟被網民垃圾桶執到?錶友憑6點分清手錶真偽!

有網民最近在Facebook群組「好fashion呀你」中出post,提及「喺垃圾堆見隻撈,唔係真事呀嘛?」,然後在Post當中附上4張照片,其照片中可見在一堆紙皮中,有一個Rolex的綠色錶盒在其之上,而在其錶盒隔離則有綠色外盒、出世紙、紅牌仔,而該錶相信便是Rolex出產的Dayona 116515LN。

Rolex Daytona丨呢隻Dayona有市有價

116515LN香檳金色Daytona官方原價為$245,700港元,而目前該型號在網上仍有價有市,同款型號在市場上炒價約$33至$38萬,視乎手錶的出廠年份和使用狀況。該Post一出,亦引起了一眾錶迷的關注,仲以為「咁大隻蛤乸隨街跳」,不過亦有錶迷就分析起該隻獲港男拾獲的Dayona到底是真是假。

Rolex Daytona Rolex
(圖片來源:ROLEX)
Rolex Daytona Rolex
(圖片來源:chrono24)

Rolex Daytona丨錶迷6點教分真偽

有資深錶迷睇完呢隻「野生捕獲」的Daytona之後,就「當堂嚇一跳,然後得啖笑」,原來該手錶為山寨貨,仲要係「一眼假」,之後就列出了6點破綻,去分析該手錶的真偽,令到一眾網民都好似上咗一堂咁樣。

1.綠盒太流 真錶應配大盒
2.貴金屬膠帶錶15年推出應配綠牌仔
3.錶面Rolex標誌太粗
4.錶面字體極假
5.秒針飛脫
6.錶扣皇冠歪歪斜斜

Rolex Daytona丨網民笑稱「A貨都稱唔上」

由於識錶之人都一眼見到係假貨,不禁嘲笑指「好假喎大佬」、「隻錶個logo流過劉嘉玲」、「淘力士」、「呢隻係Relax」、「拎去二叔公(當舖)會俾人打」,更嘲諷這隻Daytona連A貨也稱不上,頂多算是「B貨」,在市面上可能用$300就買得到。

有香港買勞力士攻略嗎?

ROLEX既是身份的象徵同時亦能保值,若然是新手初哥,最好就在購買前必讀香港買勞力士攻略。心思思唔知買咩款好?立即參考Rolex Daytona五大最受歡迎款式/Rolex保值款。想隻Rolex保持得「靚靚仔仔」的話,即學8招勞力士保養方法

買二手勞力士有甚麼需要注意?

買二手錶最怕就是買列假貨,7大要點教你分辨真假Rolex。要買不一定要去二手錶店,以下3大世界二手錶網店推薦,都是信譽良好的二手名錶網站,讓你較低機會買到假錶外,還可知道市場價格、二手市況等!注意,勞力士推新制「二不策略」,規定經銷商(AD)不可以以超過該手錶的公價去售賣,因此若發現超出定價切勿購買!

關鍵詞
Daytonarolex
圖片來源:Facebook@好fashion呀你,ROLEX,CHRONO24