網民網購約$2.5萬元Air-King 最終收到假Rolex 真係便宜莫貪！
廣告
台灣最近揭露一單網路假Rolex詐騙案，位於新北市有位先生，某天於Online發現一枚勞力士Air-King，佢見開價台幣約10萬(約港幣$2.5萬)，加上多次向賣家提問亦得到回覆，而且覺得對方有誠意，最終決定買下呢枚Air-King，結果手錶到手後發現怪怪地，最終證明係假錶。
撰文：Easy丨圖片來源：TVBS News、Rolex
網民網購約$2.5萬元Air-King 最終收到假Rolex！
Rolex Air-King於2021年官方定價$50,000，事主都知道Air-King搶手程度，所以佢一睇到竟有人以半價情況發售，覺得自己執到荀貨。不過事主一開始都有懷疑，但佢見到賣家嘅照片時，而賣家又不斷回應佢嘅查詢，所以佢最終選擇相信咗對方。
結果事主收到錶後，終於知道出事啦，雖然有齊錶盒及出世紙，但手錶明顯同圖片有出入，而且手工好差，於是向賣家反映，原本賣家答應賠償，但後來竟消失，事主最終唯有向網購平台申訴。
今次事件再一次教大家便宜莫貪，尤其是買Rolex真係要多做功課，最好當然係去專門店或者AD入手啦，始終Rolex向來只有愈炒愈貴，半價？唔好玩啦…
同場加映
有香港買勞力士攻略嗎？
ROLEX既是身份的象徵同時亦能保值，若然是新手初哥，最好就在購買前必讀香港買勞力士攻略。心思思唔知買咩款好？立即參考Rolex Daytona五大最受歡迎款式/Rolex保值款。想隻Rolex保持得「靚靚仔仔」的話，即學8招勞力士保養方法。
買二手勞力士有甚麼需要注意？
買二手錶最怕就是買列假貨，7大要點教你分辨真假Rolex。要買不一定要去二手錶店，以下3大世界二手錶網店推薦，都是信譽良好的二手名錶網站，讓你較低機會買到假錶外，還可知道市場價格、二手市況等！注意，勞力士推新制「二不策略」，規定經銷商（AD）不可以以超過該手錶的公價去售賣，因此若發現超出定價切勿購買！
