藤原浩買錯假Rolex?! 究竟勞力士軍潛5517正貨應該係點?

藤原浩買錯假Rolex?! 究竟勞力士軍潛5517正貨應該係點?

日本潮流教父嘅藤原浩向來都鍾意收藏名錶,Rolex係其中之一。不過最近真係「老貓燒鬚」,事源係佢剛剛喺IG上post出一張估計係剛剛入手嘅Rolex軍潛5517,但隻錶竟然係假?!究竟真錶應該係點?以下就同大家講解一下。

撰文:Easy|圖片來源:錶主授權丶Instagram

藤原浩買錯假Rolex?!

日本潮流教父嘅藤原浩剛剛於今日喺其個人IG上大曬剛剛入手嘅Rolex軍潛5517,但仔細啲望望,好似有啲奇怪喎,然後筆者都即刻搵嚟身邊嘅古董Rolex專家朋友望一望,大家都100%話隻錶係假嘅。首先錶面上嘅圓圈同「T」字都比正貨「幼身」同「瘦」。

圖片來源:fujiwarahiroshi@IG
圖片來源:[email protected]
錶面上嘅圓圈同「T」字都比正貨「幼身」同「瘦」
錶面上嘅圓圈同「T」字都比正貨「幼身」同「瘦」
原裝係粗好多
原裝係粗好多

另外塊「片」,即係個錶圈,同原裝唔同,完全冇原裝應該有嘅特徵,而且軍潛5517只有兩種面盤,一種係俗稱Pre-Comex面盤,特點係皇冠左右形態不對稱,相當容易辦認。另一種係俗稱Maxi Dial面盤,特點係夜光點異常大,但藤原浩所買嗰隻並非上述兩種其中一種,代表佢隻錶並非原裝嘅面。軍潛5517市價約$250-$300萬左右,而唔知藤原先生俾人呃咗幾多錢啦,今次藤原浩先生真係「老貓燒鬚」啦。

藤原浩所買嗰隻並非上述兩種其中一種
藤原浩所買嗰隻並非上述兩種其中一種
軍潛5517只有兩種面盤
軍潛5517只有兩種面盤
藤原浩先生真係「老貓燒鬚」啦
藤原浩先生真係「老貓燒鬚」啦

YOU MAY ALSO LIKE ...