做之前先了解清楚!全新素顏眉有幾勁?

造型打扮

廣告

半永久化妝術款式真係愈出愈多,除咗以往常見嘅飄眉之外,最近仲有Brow Brow Beauty Place獨創嘅「素顏眉」!聽講素顏眉已經Level up,無咗好多傳統半永久眉嘅缺點~ 即刻聽下Brow Brow Beauty Place半永久化妝術專家Hebe講解,睇下素顏眉究竟有幾勁!

Text: Milly

(Presented by Brow Brow Beauty Place)

傳統半永久眉 vs 全新素顏眉

一般人聽到要做半永久眉,都會立即聯想到流好多血、唔濕得水、容易發炎、修復期長,最討厭係一做完就會深色到好似小虎眉咁,過渡期真係好難捱!但Brow Brow Beauty Place獨創嘅全新「素顏眉」就打破半永久眉嘅定律,效果仲自然到好似用咗眉粉畫眉咁,絕對係怕麻煩女生嘅救星!

全新素顏眉優點大公開!

喺畫素顏眉嘅過程中,由於顏色唔會深入皮膚底層,所以唔會整到條眉流血結痂,只會甩皮,而且完成後兩個鐘就可以濕水,可以正常濕水洗面!即日做完素顏眉後,只會覺得眉色較深,但唔會有小虎眉嘅情況出現。素顏眉嘅修復期只需短短7日,甩皮過後,條眉就會變得柔和自然,效果仲可以維持約年半左右。整咗素顏眉,以後可以方便唔使化妝,即使做運動爆汗都無有怕,絕對方便好多!

做素顏眉嘅過程係點?點樣揀好嘅眉師?

當美容師同客人溝通好對眉形嘅要求之後,就會開始進行基本修眉同畫眉定位,然後塗上紓緩膏,跟住就會開工!啱啱完成嘅素顏眉效果已經非常自然,唔會出現小虎眉嘅難捱過渡期!不過素顏眉之所以唔會流血結痂,關鍵在於美容師嘅手勢,Brow Brow Beauty Place嘅眉師識得拿捏好位置和運用陰力,手勢好,先可以做出完美效果!所以揀一間有信譽嘅美容院、擁有專業紋繡資格嘅眉師、採用國際認證安全紋繡用料,真係好重要!千祈唔好貪平,條眉做得唔好,仲要係半永久,到時後悔莫及!

做半永久眉要注意咩地方?

當你處於生理期時,皮膚會較易敏感或者出血,有機會影響效果,所以生理期時應盡量避免做半永久化妝術。而做完半永久化妝術之後,亦應盡量避免雙眉接觸美白、果酸、peeling等產品,效果會比較持久。

美瞳線 令雙眼更bling bling!

除咗素顏眉之外,想對眼電死人,可以配合美瞳線,效果自然,唔會浮誇!美瞳線效果就好似畫咗「內眼線」咁,睇起嚟精神咗但又唔覺整咗~ 同素顏眉一樣,做美瞳線之前一定要做足資料搜集,搵有信譽嘅美容院同美容師。Brow Brow Beauty Place嘅美容師勝在經驗足夠,先可以好好控制過程中嘅位置、力度、技巧等等,幫你創造一條啱你心水又自然嘅眼線。完成當日或多或少都會有少少腫,不過即日已經可以做運動、洗面、卸妝。以後瞓醒雙眼已經非常有神,唔使再花時間畫眼線,又唔使再驚眼線會化!