網民：點解多咗咁多港女學人紋身？ 被反擊香港人真係好封閉

女人有紋身大扣分？

有網民發起帖文「其實點解多咗女人會紋身？」為題，分析以前紋身的女人多數以「食煙MK妹」為主，通常特徵是整個手臂都是圖案。不過近年在街上發現愈來愈多女人紋身，但樣貌都很斯文不像MK妹，而且更有年輕化跡象。樓主不解為什麼後生女要紋身傷害自己，一邊做美容脫毛讓皮膚白滑，一邊紋身傷害皮膚。更明言自己可能比較守舊，認為有紋身的女有陣俗氣。有少量網民力撐樓主，認為女人沒有紋身才是最美，並指有紋身的女人大扣分！

大量網民反擊：香港人真係好封閉

不過對於此帖文劣評多於好評，大部分網民思想較開放，認為紋身不影響別人，「唔鍾意咪唔好望囉」、「因為多咗人知道人生係為咗自己爽唔係為咗人哋爽」、「香港人真係好封閉」、「咪就係個社會太多你呢啲食古不化嘅人，先令到好多公司仲未接受到員工有紋身」。

網民列出現時女人對紋身接受程度增加的原因。大部分人都是紋一些對自己人生有意義的事作為一個紀錄、紀念、甚至提醒，例如父母、仔女的名字，人生銘記金句、獎項等。不過同樣有一班人覺得現今紋身未必需要意義，自己覺得靚就得。看起來會更文青、Sexy或有性格。