《狂野時速》雲迪素被前女助手控告強行抽水 13年前細節全公開！

Dec 22 2023

《狂野時速》（Fast and Furious）系列在全球掀起熱潮超過二十年，集集都緊張刺激無令觀眾失望，因此戲成名爆紅的其一主角雲迪素（Vin Diesel）近日突然捲入#MeToo風波，佢前女助手Asta Jonasson控告佢「強行撫摸」！

已經係13年前！應屆畢業生Jonasson做雲迪素助手

根據外媒報導，雲迪素呢件事已經係13年前！當時Asta Jonasson剛剛喺電影學校應屆畢業生，正受雲迪素公司One Race聘請為雲迪素的助理，喺Atlanta拍緊《狂野時速5》，Asta Jonasson的工作係負責搞聚會、陪雲迪素參加聚會等。

雲迪素對助手上下其手無視佢口頭拒絕

2010年9月，Jonasson突然收到雲迪素要求佢喺一間酒店套房等佢，當時雲迪素正喺度同俱樂部來返嚟的女侍應「玩樂」，等女侍應離開咗之後，雲迪素突然捉住Jonasson雙手拉到佢去床上，Jonasson有試圖反抗叫唔好，要求雲迪素停下，並掙脫咗佢，表示喺房門等佢離開。但雲迪素再次接近佢強行撫摸Jonasson並上下其手，期間Jonasson都叫要求雲迪素停止，但考慮到人生安全以及工作問題，又唔敢太過強硬拒絕，驚激嬲雲迪素，結果當雲迪素無視佢口頭拒絕，自行解決咗。

抽完水即炒！原來已經唔係第一次

發生事件後的幾個鐘，雲迪素的妹妹，即係One Race公司總裁Samantha Vincent就炒咗佢，當時佢工作咗大約2個星期。Jonasson認為佢被炒主要原因係因為佢拒絕雲迪素，而令到雲迪素自尊心受到傷害。Jonasson表示其實今次唔係第一次，之前One Race公司一位主管已經有試圖對佢想入非非，不過當時佢即刻拒絕而且離開。

One Race公司總裁Samantha Vincent，雲迪素的妹妹（圖片來源：ig＠vincentsamantha）

曾簽保密協議於洛杉磯法院入稟指控

Jonasson指13年前因為簽咗一份保密協議，所以之後一直唔敢出聲，直到因為#MeToo風波以及加州新加的法例制度令佢站出嚟奪回自己的權力同正義，以及公開自己喺One Race公司所遭受的痛苦。Jonasson於洛杉磯法院入稟指控告雲迪素侵犯、性別歧視、蓄意精神傷害、不良工作環境、不當解雇以及報復等。