上司好壞主宰打工仔職場苦與樂 網友大數惡頂上司十宗罪 有無人見過卸膊、邀功、偏心樣樣齊？

在職場上，除了同事，上司就是打工仔最常交手的人。當遇上一個惡頂上司，打工仔要應付的就不只是原本的辛苦工作，還要處理上司帶來的麻煩，變相腹背受敵，令工作事倍工半。有網友近日在香港討論區開Post，列出他心目中的惡頂上司10宗罪：

網友羅列惡頂上司的10大惡行

一、經常比說話你聽

明明搭正返到公司都冇遲到，上司都比說話我聽：「點解你會遲過我返嚟？」

二、好中意領下屬功

份project佢只係改咗啲字眼，但當晒係自己做。

三、命令你幫佢買私人野

好中意叫人幫佢買野，命令式嗰隻。

四、鬧人大大聲

好中意大大聲鬧人，驚成個office都聽唔到？

五、收工前先比野你做

最中意星期五收工前搵你，可能佢冇人約。

六、收工唔可以早過佢

返工又唔可以遲過佢，收工又唔可以早過佢……

七、工作分配不均

中意擦佢鞋既成日都冇咩野做，做啲嘢又簡單過人

八、好強控制慾

咩都要你跟佢嗰套，但有時佢嗰套真係out咗，同埋小小事都理一餐，例如你張枱放咩佢都要理……

九、要下屬幫佢食死貓

明明係佢自己做錯野，但話係下屬做錯，被逼食死貓。

十、請假要睇佢臉色

唔舒服請病假都會黑你臉，連句take care都廢事講，第二日返到去例牌黑你臉同做好多嘢。

網友呻總是臨收工先起動

樓主最後詢問大家，有無遇過更衰的上司。不難想像，要大吐職場苦水，當然係一呼百應。有人便呻，上司最愛在收工前才起動，不是開會就是交帶緊急文件，正宗是「阻人收工」；有網友則稱，個個上司也如是，總是不理會時間，想要下屬隨傳隨到。

上司過於親疏有別 同樣令打工仔討厭

在無視下屬收工、午膳時間以外，有網友更不滿一些上司對下屬不公道，過於偏心某些同事；對於「愛將」以外的下屬，惡頂上司不只未有嘗試保護，反而倒過來落井下石，「荒你唔死」。

打工仔怕了上司朝令夕改 無故催促

有人則投訴上司經常「朝令夕改」，今日的我打倒昨日的我，令人無所適從；有時工作並不是緊急，卻不停催促，打亂打工仔的工作日程，甚至可能令他們被迫無謂地加班。更有網友對於上司的不尊重感覺憤怒。

有網友籲嘗試從另一角度看待上司做法

雖然一眾網友熱烈地力數上司的不是，但也有網民認為，需要從上司的角度去思考，究竟應該優先替上司著想、替所屬機構著想，還是替下屬著想。不過，這位網友並沒有給出明確的答案，只著網友自己參酌。