丁子朗硬捧極速上位 網民鬧爆TVB根本制造反效果變第2位林峯
連登仔大鬧TVB將累死丁子朗 變林峯2.0
近年丁子朗出場率極高，有連登仔以當年TVB捧林峯做例子，指當時林峯靚仔又識拍戲唱歌又勁點知因為當年有高層堅持頒發「亞太區最受歡迎男歌手獎」一事，搞到林峯被捧死咗，明明Package非常好。鬧爆TVB再咁樣捧丁子朗反而係反效果！先指出丁子朗其實明明幾靚仔幾唔錯，但係仲未太有個人特色以及賣點，就不斷日日捧佢出嚟，日見夜見搞到有反效果！
被批做司儀扮叱咤林海峰 造型成個偽韓星
而且對於丁子朗《萬千星輝頒獎典禮2023》做司儀似乎覺得麻麻地，仲話似扮叱咤林海峰，但係又扮唔足，搞到睇落相當老尷！連登仔又話其實最衰係將丁子朗搞到成個偽韓星咁，26歲搞到成個30歲咁。「一啲主角相都無」「走健康路線正常啲，扮韓星跳舞 真係胃都返埋出黎」「佢個樣只能夠做司儀，仲要比人的左去做咩新星… 好似玩x佢咁」「尋晚做司儀做到好尷尬」「搵佢做好似睇微電影YouTube level」
《丁子朗》擔正做男主角 連環咀爆馮盈盈
以「聖誕驚喜限定，爆發戀愛共鳴」作宣傳招徠的《妳不是她》，以 50%奇幻懸 疑+100%貼地角度探討「何謂真愛」，是百分百純港式現代愛情小品。以林信 （丁子朗 飾）及夏莉（馮盈盈 飾）超浪漫愛情線做主打的《妳不是她》，首集即入戲肉，丁丁與盈盈將上演「甜度超標」床戲，二人除了極度入戲地甜蜜對望兼攬攬，更化身接吻魚連環啜，加上Soft Lens畫面，勁浪漫又唯美，劇組亦拍出了情侶在家打情罵俏的日常甜蜜感。
參加《亞洲超星團》 做男團
香港代表26歲的丁子朗（Karl）從宣布參賽《亞洲超星團》到宣傳照正式出街，都一直備受關注。網民除了好奇丁子朗參賽的原因外，當中討論度最高的，莫過於宣傳照中的丁子朗直接改頭換面，與在TVB拍劇時的樣子相差甚遠。而最近丁子朗上載在社交平台上的限時動態就再一次因為妝髮問題引起網民熱議。
丁子朗超齡參賽遭好友嘲笑參加《中年好聲音》
根據《亞洲超星團》官方資料，比賽65位參賽選手中最年輕選手年僅14歲，而26歲的丁子朗則是當中年紀最大的一個，因此在節目公布資料之初便已引起極大討論。對此丁子朗在訪問時就大方回應此次參賽目的，表示自己有一個踏足舞台的夢想，希望趁自己仍有少許青春，參加不同的比賽挑戰一下。他亦提到當年18歲參加《香港先生》時自己是最年輕的一個，現在卻成為《亞洲超星團》年紀最大的參賽者，連朋友亦不禁笑問︰「係咪參加《中年好聲音》？」
