袋波鞋 袋肥文AJ袋乜都得！特別版有ad-lib功能收納袋
廣告
係時候plan定暑假去邊度避暑喇！男人老狗去旅行，臨出門口前兩個鐘，乜嘢狗屎垃圾摺都唔摺就塞入個喼先叫有型，可惜舟車勞頓過後打開個喼，衫皺嘅皺、對鞋整到件白色tee污糟晒，重搵唔到個鬚刨添！
其實生活細節執好啲分類係好啲，着數嘅，始終都係自己，所以話收納袋真係好緊要。真係咁啱得咁橋，今個星期五（5月22日764期）《新Monday》特別版就隨書附上潮牌ad-ilb出品嘅多功能收納袋，用料扎實唔在講，尺寸更大到連波鞋都放得落，啱晒存放你對絕版AJ1；拎出街打波又得，實用，重要有潮流元素吊味，連書只售$48，4色選擇，準時搶啦！
text – Jer photo – Mike W.
