靚女測試GoPro

蟻俠咁細 全港最快 港隊溜冰 靚女測試GoPro HERO4 Session

運動裝備

廣告

潮流興縮細,影寫真嘅年齡愈嚟愈細、全片幅相機愈細愈多人買,連美漫電影英雄《Ant Man》(蟻俠)都係愈細愈有人氣。GoPro出新機,亦係縮細到似足1粒骰,望落外形有幾分似上年Polaroid Cube,但就型格好幾倍,結果機未出,一班潮流版、運動版甚至食版同事都已經不斷詢問。

呢部新版GoPro HERO4 Session上星期正式推出,實物靚過睇相幾倍,攞上手感覺實在唔似玩具,外形已經加唔少分。今期唔止叫咗專業滾軸溜冰選手王蘊妮(Vanessa)影相兼示範,重請埋同佢勁似樣嘅model Renee齊齊試玩 靚女測試GoPro HERO4 ,到底同上代有乜分別?用落感覺又如何?詳文要睇,簡單總結係:買就買硬,只係得番「有折」定「冇折」選擇,又跌錢喇陰功!

text – Nam photo – Hin model – Renee [email protected]


GoPro HERO4 Session

最高影片:1,440p(4:3)@30/25fps、1,080p(16:9)@60/50/30/25fps、1,080p SuperView(16:9)@48/30/25fps
相片:800萬像
電池:1,030mAh
重量:74g
售價:$3,200
查詢:Microworks(2950 0348)

靚女測試GoPro

縮細仍足料
HERO4 Session賣點當然係輕身,佢比HERO4 Sliver/Black足足縮細咗50%,重量亦減少40%,只重74g,但就冇太多偷工減料之處,單睇數字,雖然拍唔到4K或2.7K影片,或者120fps超慢動作嘅1,080p高清片,不過同樣支援1,[email protected]精細畫質,如果唔想犧牲流暢度,其1,080p同樣去到60fps(降到720p解析度就玩到100fps慢動作),而且支援GoPro專利嘅SuperView超廣角視野,加上800萬像相片具有每秒10張嘅連拍功能,玩法好足,已經唔係入門級數。當然玩得GoPro最重要都係睇片,所以除咗model外,今期重請專業運動員王蘊妮(Vanessa)示範,有幾啱玩自拍,條片話晒俾大家知。

香港滾軸溜冰代表隊成員兼8項香港女子速度滾軸溜冰紀錄保持者Vanessa,本身已經係GoPro用家,舊機重「粗用」到半壞狀態,搵佢試機絕對係理想人選。試機後佢話:「我一向有用開GoPro HERO3拍片,都用咗好耐,一早想換新機啦,估唔到未買新機就出咗呢部新款。我覺得同部舊機比,呢部真係輕咗好多,而且好細粒,戴喺身比較方便,可以話係為便攜而設,同埋最鍾意佢本身都係防水!」

內容延讀:

>唔睇冇話題!勁似GAME BOY 任天堂手電?好想玩呀!

>動漫迷追睇巨型渣古/WING GUNDAM運送到港!

操作靠晒2個掣 
新機縮細咗,機身設計相對簡單,只用機頂及機背兩個掣就可控制晒,加個細芒做顯示,亦冇得好似以前咁「加芒」,今次一定要同手電App《GoPro》連結先可以睇到實際畫面(唔連就拍完先知拍咗乜),比較驚喜係新機喺串流技術方面明顯有改善,畫面極為流暢亦近乎做到同步。

用番GoPro mounts
雖然成部機都唔同咗,不過GoPro冇咁傻仔放棄多年來發展成熟嘅配件,HERO4 Session同樣用番GoPro mounts,用開嘅自然用得番,未用過都因此即出即有大量配件玩,再唔係,夠膽都可上網買山寨貨。不過提提你,山寨貨水準極為參差,有朋友試過用平嘢踩板,搞到成部機飛出街,好在GoPro本身硬淨,外殼多數跌一跌都唔會出事,俾着其他雜嘜應該已經玩完。配件眾多,好在價錢方面同款式都可以喺官網睇到。

YOU MAY ALSO LIKE ...

There are 2 comments

Add yours
  1. 新Monday / 自動追蹤 航拍機 Yuneec Typhoon Q500+

    […] 航拍機 同action cam一樣,都係近幾年大熱嘅拍攝器材,不過產品設計都要迎合大眾需要,好似上期介紹嘅GoPro HERO4 Session就玩變身,機體縮小,設計型仔咗,即吸引一班新玩家。當然, 航拍機 嘅話,要設計得更入門先有更多人buy。 專門製造電動載人飛機嘅製造商Yuneec,最新推出Typhoon Q500+ 航拍機 就幾啱初學者,特別加入follow me模式,用家唔使靠遙控器, 航拍機 都會自動跟蹤全程拍攝。今次試拍越野跑,自問記者係航拍新手都超易handle,簡單得嚟成件事型晒!夏日go out點都要買部玩下。 […]


Comments are closed.