【今夏必試】曬出個紋身！大熱無痛 天然製Tantoo

運動裝備
eddie cheng

廣告

上次介紹barefoot sandals，有絲打話擔心曬出個印來，其實有印就啱哂喇，因為除咗大熱紋身貼紙風吹到香港，個個一手都係之餘，外國更興起 天然製Tantoo 。「Tantoo」，即天然製sun tanning而成嘅tattoo，tan tattoo嘅合成稱呼，唔使錢、唔痛，又唔會跟你一世，夏天同陽光玩遊戲呀嘛，梗要搞搞新意思。1支防曬畫乜有乜，得咗！今次男女仔一齊潮玩，我都想幫人畫喎，有冇人敢試呀？（不過傷唔傷皮膚你自己話喇，同鍾唔鍾意曬太陽一樣，各有喜好。）小編就好想試 天然製Tantoo 喇，偷下師準備今個weekend出發，曬．紋．身！

text-Winki Kiki (ig: winki_kiki) photo-網上圖片

5大 天然製Tantoo 方法

方法1：
防曬乳霜
要玩 天然製Tantoo ，曬前必做磨砂去死皮，曬出嚟顏色會更均勻。防曬乳霜質地較適合畫紋身圖案用，只要用乳霜畫出想要嘅圖案，曬完就有，不過建議簡單線條效果會好啲。

方法2：
甲油
呢個 天然製Tantoo 方法，原理同用防曬乳畫圖差唔多，不過有個甲油掃，畫嗰陣易控制啲。

內容延讀

＞着露肩衫前必學！5招瘦鎖骨速成班

＞小心露出 女生必睇！夏日必露靚「爸」-咪戴錯「娘」圍買錯BRA

 

方法3：
Tanning Stickers
外國有專曬pattern用嘅tanning stickers，畫圖唔叻嘅話，貼住曬出 天然製Tantoo 重方便。不過其實用咩貼紙都得嘅應該，最梗要用嘅sticker個outline夠sharp，效果就會夠出色。

 

方法4：

菲林負片

天然製Tantoo 都可以玩photo print，就算唔識畫畫都可以玩到複雜圖案。之不過，而家係數碼化年代，有幾多人重用菲林影相？重有底片？

內容延讀

＞着露肩衫前必學！5招瘦鎖骨速成班

＞小心露出 女生必睇！夏日必露靚「爸」-咪戴錯「娘」圍買錯BRA

 

方法5：
Cut-out 穿窿衫
有cut-out圖案嘅衫褲就可以直接着去曬，不過一定要夠貼身。其實D.I.Y.剪個pattern出嚟都得，而坊間原來連矖紋身着嘅底底都有，令你玩 天然製Tantoo 時，更方便又sexy !

更多 天然製Tantoo 曬法：

 

潮Kitty一早玩！

喺eBay發現Hello Kitty都有出過tattoowristband，生曬貓樣好打耳呀！！小編好想要！

內容延讀

＞着露肩衫前必學！5招瘦鎖骨速成班

＞小心露出 女生必睇！夏日必露靚「爸」-咪戴錯「娘」圍買錯BRA

There are 7 comments

Add yours

Comments are closed.

最高人氣 TOP 5