Jordan Brand Take Flight Invitational 香港籃球可以大搞喎！

text – 譚大偉（ig：taiwaitam） photo – Jacy design – T

理大屈機封王
終極決戰喺籃球聖殿麥花臣上演，決賽戲碼係應屆大專盃翻版，由理工對香港大學，擁有梁兆華、蔡再懃等多位甲一球員嘅理大，面對有身高優勢嘅港大，理大無懼「高塔陣」，上半場憑住胡俊豪個人攻入5球3分，半場已經拉開比數50:33。
下半場，理大4位主力梁兆華、盧致誠、譚子健同楊文綱均4犯在身，令港大嘅高塔易漢暉喺第3節大爆發，多次喺籃底得分。不過港大得分點唔多，令到理大好易守，加上蔡再懃、黃律堯、梁兆華輪流發威，最後理大以93:70壓倒性封王，繼大專盃、成龍盃之後，再次稱霸大專籃球賽，歷史性成為3冠王！