ENTERBAY 1/6 Michael Jordan 96神裝
廣告
近年NBA收藏熱愈嚟愈勁，波鞋、波衫統統都有價有市，重要愈舊愈好，愈經典愈貴，不過大家有冇留意，最搶手、最炒得嘅收藏品，都重係佢：籃球之神米高佐敦（Michael Jordan），証明無論佢退咗休幾耐，影響力同地位都依然屹立不倒。
咁講開收藏，MJ figure一定係最受歡迎收藏品之一，事關有咗佢嘅figure，波神就「任你舞」，你鍾意重現咩經典場面都得，但ENTERBAY一早出過1/6 MJ同1/4 MJ，咁今次重可以玩咩？答案係96 NBA All-Star Game（全明星賽）嘅神裝。
text – Lok（ig：loklokb1021） photo – Yuk
神物入手
1996年舉辦嘅NBA All-Star Game，可以話係近年最星光熠熠嘅1屆，東岸明星隊由波神MJ、「二哥」柏賓、「巨無霸」奧尼爾、「Penny」夏達威等球星組成，對抗有「爵士孖寶」卡爾馬龍、史托頓同巴克利等猛將領軍嘅西岸明星隊，兩隊攜手打出一幕幕經典，係90年代籃壇盛世嘅印記。
而喺呢1年All-Star Game入面，東岸件湖水綠色辣椒仔波衫、連同MJ着用嘅全白AJ11都成為各大家球迷收藏品之中嘅「神物」，價值不菲。
ENTERBAY今回就特別於品牌10週年期間推出1比6限量版1996年NBA All-Star Game米高佐敦蠟像級人偶，一如所料，Box set備有當屆明星賽東岸明星隊23號「神色」波衫同全白AJ11，再追加全明星賽MVP獎盃、全新嘅咆哮表情頭雕等多款配件，1次過滿足幾個收藏願望！
另外，顧客於購買呢隻限量版figure時更可免費獲贈柏賓或夏達威嘅96年全明星賽球衣連短褲換領卡1張，重組經典東岸明星隊不是夢！全球限量3,000隻，香港地區限量1,000隻，以網上登記同抽籤形式進行認購，詳情密切留意ENTERBAY facebook專頁之消息發布，籃球迷們！Are you ready？
