ASICS Lite Show 光復夜跑
廣告
愛跑人士全年無休，無論任何季節都唔會停下腳步，不過踏入4月開始回暖，炎熱天氣對跑手嚟講亦係一大考驗，於是好多跑手又會選擇喺清涼嘅晚上跑步，加入夜跑行列。
有見及此，極受本地跑手支持嘅亞洲跑步領導品牌ASICS，決定因應季節而作出相應進化，為旗下兩款跑鞋KAYANO 21、GT-2000 3推出「Lite Show」夜光版，同大家一齊迎接呢鼓「夜跑」熱潮回歸。
text – Lok（ig：loklokb1021） photo – King Ho
KAYANO 21 Lite Show 力求完美
好記性嘅跑手應該都記得，其實ASICS喺上年已經推出過Lite Show版跑鞋，而且反應唔錯，所以今年一踏入夏季就推出新一代Lite Show。主打先有ASICS王牌KAYANO 21，1993年面世嘅KAYANO係ASICS長青系列，嚟到第21代再度升級，採用最新FluideRide技術，可以將著地時嘅衝擊力轉換為推動力，而改良嘅腳踭以TPU材料包覆，由腳踭連結到鞋帶孔，令包覆更加穩定，鞋款同時配備ComforDry X-40抗菌鞋墊，較以往嘅鞋墊多40%回彈性，並且能夠維持鞋內乾爽，避免因長期著用而產生異味，達到高舒適度、高穩定性、高緩震嘅穿著感，最重要係加上夜光元素，可以於黑夜之中保護跑手同時散發光芒，冇得輸。
GT-2000 3 Lite Show 高度支撐
早前筆者率先試咗ASICS FootID服務，完整咁測出自己嘅腳型資料之外，得出結果重顯示出我最適合嘅跑鞋係GT-2000 3，即係咩？即係呢對鞋特別適合扁平足人士穿著囉。
ASICS區分產品嘅分類相當清楚，GT-2000系列就屬於高支撐性鞋款，最新版本GT-2000 3唔只喺設計上作出調整，重優化各方面功能。後踭加上TPU穩定系統，加強穩定力，配合Dynamic DuoMax技術同專利Gel底，為跑手提供完美支撐，而且調整咗全個中底結構，後踭厚度由29mm降到27mm，前掌厚度由19mm降到18mm，即係前後落差由10mm調整到9mm，令雙腳更貼地，步姿更自然流暢，配合埋Lite Show夜光效果，扁平足跑手恩物。
