【運動祥】跑步迷注意!專業跑鞋ASICS DynaFlyte隆重登場

運動

廣告

除咗肯亞徐之外,唔少人都會跑步跑上癮,唔跑就周身都唔自在。好似我咁,一直都有跑開步,壓力大嘅時候特別想跑,夜晚聽住音樂吹住風咁跑,真係壓力全消。對於跑步,我一向都好注重跑步裝備嘅質素,梗係啦,跑步對腳掌嘅衝擊力比行路強十幾倍,唔揀番對啱自己嘅專業跑鞋,好容易整親腳!近排行開黃埔,發現運動家啱啱裝修完,即刻入去行番轉!一入去就見到ASICS嘅全新輕量跑鞋DynaFlyte,估唔到有驚喜喎!

text – 運動祥 photo – billy、jacy & candy

吸睛度高!ASICS專業鞋款夠集中
上層有好多款ASICS嘅跑鞋,佢哋嘅穩定性同舒適度強就一向都知,而且款式選擇多,提供多功能嘅保護。今次推出嘅呢對DynaFlyte配色超靚,設計有型,相當吸睛,而且夠晒輕身,着住嚟跑嘅感覺真係好舒服!DynaFlyte係屬於Cushioning 高緩衝性系列鞋款,無論正常腳掌或高足穹都適合穿著。

能夠保持緩震性能嘅同時,又要減輕鞋身重量,絕對係跑鞋設計嘅一大挑戰。呢對新出嘅DynaFlyte全腳掌都用咗ASICS研發多年嘅新中底物料FlyteFoam,而FlyteFoam更成為ASICS史上最極致輕質嘅中底,令DynaFlyte嘅緩震性能更進一步。

Cushioning 高緩衝性系列鞋款仲有呢對fuzeX,真係好靚仔!唔單止顏色襯得靚,而且鞋履裡面加入8mm嘅後跟,配以機能性網布包裹鞋面,為跑手提供足夠支撐力並有效承托全身力量。

扁平足之選

如果你有扁平足嘅話,應該著有支撐足穹功能嘅鞋款,減輕足部嘅壓力及提供承托,可以選擇以下Structured Cushioning高支撐系列鞋款:

GEL-KAYANO 22 LITE-SHOW採用了ASICS最新嘅FluidFit鞋面技術,以全方位嘅彈性網面順應腳型,為跑者帶來好似「手套」咁嘅貼服感受。FluidRide雙中底構造亦提供咗絕佳嘅舒適度、支援性和穩定性。而 GT-1000 5外露於後踭及內置於前掌嘅緩震 GEL物料,則有助跑手減少每一步所承受嘅壓力。DUOMAX承托物料正正係扁平足人士所需,佢加強咗鞋床對足穹嘅支撐,減低長跑造成嘅疲勞。而且價錢相宜,CP值極高!

識得揀,梗係揀透氣排汗嘅運動服飾~
唔好唔記得重有運動服飾,一樣咁重要!點解?我之前跑步時有機會見到香港業餘田俓總會認可教練仇季新(Sunny),傾開計時,Sunny話,跑步服飾最重要係通爽舒適,特別係香港天氣潮濕悶熱,佢最鍾意著背心短褲,而且布料都係「快乾料」,有專業嘅吸汗、排汗功能。只要兩者並存,先唔會只吸汗,唔散汗,令衣物好似毛巾咁搭喺身上,經風一吹,容易病。襪都一樣,可以揀透氣薄襪,以免出汗後好似腳踏濕毛巾咁,同時加重雙腳重量。

呢件跑衫嘅特色,在於背部同液下都有透氣位,膞頭重有反光位,夜晚跑步都安全啲~

呢條褲真係集多功能於一身,首先有開叉位令你活動自如,pat pat位重有拉鍊位,可以俾你放下八達通,跑到咁上下去買支嘢飲都勁方便,而且背後重以網布設計,超級透氣,夠晒爽!

唔好睇少呢對襪,佢有濕度調整機能,通爽舒適,加上腳趾、腳踭嘅厚底設計,緩震力更強。

大家買齊裝備,係時候要同三五知己跑番轉,超越個人成績!

運動家黃埔分店地址:九龍紅磡黃埔花園第二期時尚坊地下G18A號鋪

查詢電話:2362 3863