2015台灣新北市萬金石國際馬拉松 海岸跑者

運動

廣告

點一點算,台北馬拉松、高雄馬拉松、中華馬拉松、台南古都馬拉松、梅西爾、太魯閣、日月潭、曾文水庫、澎湖、八里左岸…喺台灣,一年內搞嘅馬拉松大賽多如天上繁星,我哋作為國外人,如果想去台灣比賽見識一下,到底應該從何入手?

每個人跑馬拉松嘅原因都唔同,但如果你嘅出發點係追求成績、專業級數,甚至國際水準,咁台灣新北市萬金石國際馬拉松就係你嘅好選擇,點解?因為佢係全台灣第一及唯一一個獲國際田徑總會(IAAF)銅標籤認證嘅國際級馬拉松。

text – Lok(ig:loklokb1021) photo – Yuk special thanks – 美和旅遊

地理優勢
首先要感謝美和旅遊,筆者先可以親身參與呢個國際級馬拉松。萬金石馬拉松係一個橫跨台灣新北市萬里、金山、石門3區嘅馬拉松比賽,源起03年「金山馬拉松」,04年擴張延伸到金山同石門,09年賽道延伸到萬里,當年命名為「石萬金馬拉松」。10年為咗順應賽道行經路線「順序」,由萬里太平洋翡翠灣起跑,經金山至石門國中前折返,賽事名稱正式更名為「萬金石馬拉松」,直到宜家。
萬金石同其他馬拉松俾我感覺最大嘅分別係,萬金石係1個實而不華嘅賽事,有別於其他賽事嘅五光十色,本身萬金石座落嘅野柳區就係1個沿海嘅「鄉下地方」,唔係想話佢落後,而係佢唔會將賽事搞成1個大型嘉年華,大家去嘅目標明確,就係跑好呢場賽事同欣賞沿海景色。比賽當日天色並唔明朗,雖然沿海景色依舊令人心曠神怡,但海風就令氣溫下降不少,路面以平路為主難度不大,反而回程逆風係一大難題,不過路線沿住北海岸線跑,經過石門洞、朱銘美術館、萬里野柳地質風景區、東澳漁港、駱駝峰等靚景,絕對可以分散注意力。另外,可能唔同地區唔同文化,今次馬拉松沿途雖然都多民眾打氣,但有別於其他地方,佢哋並唔會熱烈地同你high five,反而係落力拍手或者玩樂器等,感覺幾唔同,總括嚟講,呢42公里雖然都幾艱辛,但亦都收獲一次非常賞心悅目嘅路程,最啱認真、專注於成績嘅跑手。

識跑一定係跟團跑
「馬拉松團」,意思即係以跑當地馬拉松為共同目標嘅1個旅行團,經已普及咗好耐,而「美和旅遊」就係當中歷史悠久嘅表表者,好多人問,點解要跟團跑?自己去唔得咩?唔係唔得,不過跟團跑,佢哋會幫埋你報名、攞選手包、提供賽前安排、跑前跑後嘅行程,最緊要係有一大班目標一致嘅團友互相鼓勵!所以識跑一定係跟團跑,一齊睇睇今次萬金石國際馬拉松4日3夜之旅。

2015下半年重點推介:
2015年07月02日(四) 2015澳洲黃金海岸機場馬拉松七天參賽團
2015年08月07日(五) 2015第二屆吳哥窟帝國馬拉松參賽團

2015年08月29日(六) 2015第三屆峴港國際馬拉松參賽團
2015年11月07日(六) 2015台灣米倉田中馬拉松4天參賽團
2015年11月21日(六) 2015台灣日月潭環湖馬拉松4天參賽團

Day 1 香港✈桃園國際機場➜翡翠灣➜領取號碼布
第一日朝早機,到達後先由專車接往市區享用午餐,再到翡翠灣領取號碼布,因為第2日就比賽,所以晚餐後就返酒店休息,做好比賽準備。

Day 2 2015萬金石國際馬拉松➜基隆港➜廟口夜市
第2日就係今次旅程嘅重點萬金石國際馬拉松,美和旅遊預先為大家準備好早餐,賽事於早上6:30起跑,之後亦有幾班車接唔同時間嘅選手返酒店休息,休息過後大家去基隆港同著名嘅基隆廟口夜市遊覽,比賽過後當然要好好獎勵自己!

Day 3 野柳➜北海岸風景區➜富基漁港➜淡水
第3日就開始出發到北海岸唔同景點遊覽,感受北海岸景色,體驗接近60公里嘅濱海道路景觀,沿途山青水秀、天藍海深,真係令人好放鬆,景觀當中有海蝕地形、溫泉、巨礫灘、海灘同海產資源等等,去台灣唔一定要去台北呢啲市區,有時遠離市區更加可以享受假日,晚上再入住溫泉酒店,浸個溫泉將比賽後嘅疲勞趕走。第2朝訓醒有一朝自由活動時間,最後就起程回港,完美結束萬金石馬拉松之旅。


PUMA 21 DAYS CHALLENGE 習慣燃燒

NIKE FREE 2015 赤踝進化

YOU MAY ALSO LIKE ...