《潮流合夥人》陳偉霆對波鞋要$81萬?! 拆解Nike Air Mag成神作原因

波鞋

廣告

《潮流合夥人》第二季最近開播,今次由陳偉霆擔任主理人,與周揚青、歐陽娜娜等作partner,經營潮流select shop。而《潮流合夥人》首集最大賣點絕對係陳偉霆拎出私人珍藏Nike Air Mag,呢對波鞋絕對係波鞋界神級作品,而價錢更需要$81萬!究竟呢對波鞋冇乜咁犀利,立刻為大家拆解一下。

撰文:Easy|圖片:《潮流合夥人》、電影截圖

《潮流合夥人》陳偉霆對Nike Air Mag要$81萬?!

《潮流合夥人》中陳偉霆所拎出嘅Nike Air Mag,較年青一代嘅潮流人可能未必知佢嘅底細,呢對鞋其實係1989年時,Nike設計師Tinker Hatfield被邀為電影神檯級電影《回到未來》續集所設計出嘅概念鞋款,戲中講述Nike Air Mag為未來概念波鞋,於2015年誕生,備有自動綁鞋帶系統,當年於電影中出現,立刻成為唔少人嘅dream sneakers。陳偉霆喺《潮流合夥人》中一拎出呢對Nike Air Mag,連有錢女周揚青都十分驚訝。

《潮流合夥人》中陳偉霆所拎出嘅Nike Air Mag
《潮流合夥人》中陳偉霆所拎出嘅Nike Air Mag
係電影神檯級電影《回到未來》續集所設計出嘅概念鞋款
係電影神檯級電影《回到未來》續集所設計出嘅概念鞋款
連有錢女周揚青都十分驚訝
連有錢女周揚青都十分驚訝

 

《回到未來》電影的男主角Michael J. Fox好不幸喺90年代初診斷出會患上帕金森氏症,為引起大家對呢個疾病嘅關注,於是創立基金會Michael J. Fox Foundation,支援帕金森氏症科學研究。而2011年首次推出Nike Air Mag,限量1510對,當年只限於eBay競標,而所有收益全數交由Michael J. Fox基金會作為慈善用途,當年最後平均一對以約2.87萬港元售出。

電影《回到未來》
電影《回到未來》
Nike Air Mag
Nike Air Mag
備有自動綁鞋帶系統
備有自動綁鞋帶系統

 

Nike Air Mag喺2016年再次發售,今次全球限量89對,而且只有男裝US 7、9、11、13尺碼,有85對喺Nike官網進行捐款,想買嘅人需要至少捐出美金$10,即可獲得一次抽籤資格,所得款項全數同樣交俾Michael J. Fox基金會。而其餘嗰4對分別喺香港、倫敦、紐約以慈善拍賣會競標形式出售,消息指香港對Nike Air Mag最終以港幣$81萬賣出。又限量,背後又有咁大故事support,呢對Nike Air Mag點可以唔係天價發售!不過$81萬對陳偉霆嚟講,真係濕濕碎啦!

Nike Air Mag喺2016年再次發售
Nike Air Mag喺2016年再次發售
消息指香港對Nike Air Mag最終以港幣萬賣出
消息指香港對Nike Air Mag最終以港幣$81萬賣出
想當年,陳偉霆首《Taxi》,MV都係向《回到未來》致敬。
想當年,陳偉霆首《Taxi》,MV都係向《回到未來》致敬。

有甚麼波鞋推薦?

不論男女波鞋都是大家每天襯衫必備的單品之一,白波鞋更是百搭之選,必買10大易襯白波鞋,輕鬆carry每個造型!香港天氣變幻莫測,唔想濕住腳行街,一對Gore-Tex防水波鞋會是必然之選,若然唔好彩弄髒波鞋,即用這6招洗波鞋方法幫波鞋還原靚樣!

如何揀一對適合自己的波鞋?

揀鞋當然要揀一對啱size的鞋,的確很多人經常入錯波鞋size,以下就為大家綜合15款大熱波鞋size攻略,幫大家選擇最佳尺碼。除了尺碼,波鞋的性能也很重要,消委會測試了 11款防水行山鞋,大家不妨參考一下當中款式的優劣之處。最後當然是款式,最新New Balance復古經典鞋款再來襲,身為潮流達人的你快入手一對吧!

關鍵詞
nike陳偉霆