每週新波鞋情報 5對你必愛之NIKE、ADIDAS籃球鞋！

波鞋
CentralBlogger_NM

廣告

今時今日波鞋係基本要有，不過每星期海量咁多新波鞋，有時真係唔識點揀，又或者根本一知道就已經賣斷市，唔想miss咗要捱炒價？唔想上網搵鞋？介紹返，每個星期六，嚟我哋網站收睇每週波鞋情報，我哋會精選幾對你一定要知（買）嘅新波鞋俾大家，睇啱好行去買喇！機會係留俾有準備嘅人。

text – Lok（ig：loklokb1021）

1.adidas T-Mac 5 OG

隨住T-Mac（Tracy McGrady）早前喺中國宣布復刻T-Mac 5，一眾「麥粉」（包括我）已經等到流晒口水，好多回憶亦隨之湧出。記得05年賽季後段T-Mac不斷喺賽場中更換球鞋（原因歸咎於T-Mac 4影響），季後賽來臨時，佢更加換上原本應該喺下季先亮相嘅T-Mac 5，並且喺小牛之戰完成經典嘅驚天爆扣（圖），T-Mac 5就係如此經典。首度復刻版本選用05年時配合T-Mac亞洲行所推出嘅白金限定配色，當時為adidas首次為亞洲地區設計鞋款，外觀上得以完全保留，香港限定37對，T-Mac迷，到時排隊見。$1,199（9月4日發售）/adidas Megacore Store 旺角豉油街21C地下至5樓全層 2789 8198

2.Air Jordan Future Low

Air Jordan Future面世以嚟一向以多色多玩法見稱，由高筒玩到低筒，咩色都出過，點知都重有新玩法。今回Air Jordan Future Low鞋面就以反光網布製成，配搭Phylon中底設計，着上後，舒適貼合且具避震效果，反住光咁型爆球場內外。各$1,099/Jordan Store 灣仔莊士敦道25-33號 2528 0391

內容延讀

＞香港MVP陳德恩 打出名堂8件事

＞肯亞徐教練 蘇凱男解說NIKE+ RUN CLUB

3.Air Jordan 9

黑白係當今時裝界王道配色，所以9月5號即將推出嘅AJ 9 “Anthracite”應該會引起一番熱潮，整個鞋身均以炭黑質感呈現，鞋帶扣以白色襯托，hi-end味勁出。鞋形嚟講，slim身都係冇得輸，不過買AJ嘅嘢真係祝君好運，你懂的。$1,399/Jordan Store 灣仔莊士敦道25-33號 2528 0391

4.NIKE KD 8

KD 8嘅Flyweave鞋面同NIKE Zoom Air鞋墊功能有幾勁，相信有留意開嘅大家都知道得一清二楚。今次KD 8又出咗新顏色，以灰色配黑綠色編織其中，但係Kelvin Durant一向都鍾意鮮豔嘅顏色，點解今次會選擇呢隻顏色配搭？原來係為咗配合主題”HUNT’S HILL NIGHT”，HUNT’S HILL係佢兒時訓練場地，舊地重遊令佢更加專注面對即將到來嘅新賽季，希望嚟緊NBA開季喺球場上，可以見到佢着上呢對顏色造型獨特嘅KD 8。$1,299/NIKE Basketball 灣仔莊士敦道68號互信大廈B座地下1-2號鋪 2520 0771

5.NIKE KOBE X EP

NIKE KOBE X喺Elite Low配色大量出現之後,似乎冇打算收手，今回推出1款為NIKE青少年精英籃球聯賽（簡稱EYBL）專屬設計嘅KOBE X EP，其實參加EYBL嘅球員，通常都會得到好多限量特製鞋款，今次聯賽專屬球員版本可以公開販售已經相當難得。鞋身上配以藍、綠、紫色，靈感來自聯賽球衣，交叉嘅色塊同線條就比喻青少年球員活潑奔放嘅活力同慢慢進步嘅球技，非常靚仔。$1,399/NIKE Basketball 灣仔莊士敦道68號互信大廈B座地下1-2號鋪 2520 0771

內容延讀

＞香港MVP陳德恩 打出名堂8件事

＞肯亞徐教練 蘇凱男解說NIKE+ RUN CLUB

有甚麼波鞋推薦？

不論男女波鞋都是大家每天襯衫必備的單品之一，白波鞋更是百搭之選，必買10大易襯白波鞋，輕鬆carry每個造型！香港天氣變幻莫測，唔想濕住腳行街，一對Gore-Tex防水波鞋會是必然之選，若然唔好彩弄髒波鞋，即用這6招洗波鞋方法幫波鞋還原靚樣！

如何揀一對適合自己的波鞋？

揀鞋當然要揀一對啱size的鞋，的確很多人經常入錯波鞋size，以下就為大家綜合15款大熱波鞋size攻略，幫大家選擇最佳尺碼。除了尺碼，波鞋的性能也很重要，消委會測試了 11款防水行山鞋，大家不妨參考一下當中款式的優劣之處。最後當然是款式，最新New Balance復古經典鞋款再來襲，身為潮流達人的你快入手一對吧！

There are 4 comments

Add yours

Comments are closed.

最高人氣 TOP 5