冠軍系列 Nike Air Force 1 Hi 「Rude Awakening」怒吼天尊
成日話舊時NBA好睇啲,並唔係盲撐,而係當時NBA球例仲未咁先進,球員們更加發揮空間,好似其中華勒斯創咗單季最高41次技術犯規、生涯累積308次技術犯規,至今亦未有人破到,你就知佢打波幾有激情,今次推出Nike Air Force 1 Hi 「Rude Awakening」係紀念「怒吼天尊」喺2003-04賽季總冠軍期間統治級嘅表現,作為老鬼球迷請以入手作為致敬。
撰文:Fung|圖片來源:NIKE
華勒斯(Rasheed Wallace)令大家印象最深除咗攻守俱佳表現外,火爆性格亦令人印象深刻,一句「Ball Don’t Lie」籃球不會說謊,僅85秒就被罰出場,創造咗NBA歷史上最快罰出場紀錄。今回Air Force 1 Hi 「Rude Awakening」採用經典嘅白藍配色,綁帶繡有華勒斯球衣號碼「30」,後跟處繡有經典嘅跳投剪影Logo,整體風格直白硬朗,非常切合怒吼天尊硬朗形象。
同場加映
ACRONYM x Nike Air VaporMax Moc 2
延續上回成功,NIKE再次推出ACRONYM x Nike Air VaporMax Moc 2第2配色,以襪套式Flyknit結構為主導,採用沉穩嘅黑色作為背景,加入螢光色pattern,營造出強烈嘅視覺對比;全黑Air底加入潑墨點綴,細節位處處,要入手朋友捉緊官網發售時間。
有甚麼波鞋推薦?
不論男女波鞋都是大家每天襯衫必備的單品之一,白波鞋更是百搭之選,必買10大易襯白波鞋,輕鬆carry每個造型!香港天氣變幻莫測,唔想濕住腳行街,一對Gore-Tex防水波鞋會是必然之選,若然唔好彩弄髒波鞋,即用這6招洗波鞋方法幫波鞋還原靚樣!
如何揀一對適合自己的波鞋?
揀鞋當然要揀一對啱size的鞋,的確很多人經常入錯波鞋size,以下就為大家綜合15款大熱波鞋size攻略,幫大家選擇最佳尺碼。除了尺碼,波鞋的性能也很重要,消委會測試了 11款防水行山鞋,大家不妨參考一下當中款式的優劣之處。最後當然是款式,最新New Balance復古經典鞋款再來襲,身為潮流達人的你快入手一對吧!