不能再錯過的NIKE Flyknit Lunar 3 新色到着

波鞋

廣告

無錯,NIKE Flyknit Lunar 3其實係一對跑鞋,由設計、配置到技術都係為跑而生,可惜佢得到1個潮到不能兼撞得出色嘅外表,令佢以跑界身份,成為潮友最愛。

事情往往就咁錯配,記得前排第1批貨,實物一返即逝,上nikestore見到有圖撳入去,亦只獲得「抱歉,該產品已售罄或是還未正式發售」真係灰到好似方進新咁,等咗今耐,今次新色返貨,唔係重想錯過嘛?買咗先啦!講完!

text-譚大偉(ig:taiwaitam)photo – Tung

1級鞋:適合任何跑程人士着用
Flyknit Lunar 3除咗擁有潮樣外,其實佢嘅配堅係實用,事關NIKE將呢對定義為全天候,無論係跑步初歌、10K、半馬到全馬跑手,都會啱着。
本人都係用家,可以解釋下點解對鞋可以咁全天候,首先Flyknit鞋面除咗色靚有型,最大優點係輕,輕對任何級別嘅選手都係需要,而輕得嚟又可以緊貼雙腳,加上Flywire技術加強支撐性,男裝US10都係僅重220g,冇得輸啦!

內容延讀

叻過《大時代》方進新!教醒你綁AJ 6鞋帶

白鞋大熱殺到 NIKE即出忍者FREE RIFT涼鞋,掂喎!

運動女生TELL YOU WHY:跑得多,是為了吃得更多?

着過返唔到轉頭
鞋面正外,其實我更鐘意 Flyknit Lunar 3嘅緩震設計,NIKE除咗Air緩震外,Lunarlon緩震中底,真係舒服到返唔到轉頭,年頭渣馬跑半馬嘅我都係着 Flyknit Lunar 2,第3代更加增加咗Lunarlon嘅厚度,可以提升緩震同回彈效果,鞋底源用第2代設計,係根據腳掌落地時嘅壓力分布圖設計而成,邊個位受力,邊個位需要緩震做到足晒,而喺一啲易蝕嘅鞋踭位,更用咗黑色嘅BR1000耐磨膠,咁完美嘅鞋底,跑全馬都照顧得到。

有甚麼波鞋推薦?

不論男女波鞋都是大家每天襯衫必備的單品之一,白波鞋更是百搭之選,必買10大易襯白波鞋,輕鬆carry每個造型!香港天氣變幻莫測,唔想濕住腳行街,一對Gore-Tex防水波鞋會是必然之選,若然唔好彩弄髒波鞋,即用這6招洗波鞋方法幫波鞋還原靚樣!

如何揀一對適合自己的波鞋?

揀鞋當然要揀一對啱size的鞋,的確很多人經常入錯波鞋size,以下就為大家綜合15款大熱波鞋size攻略,幫大家選擇最佳尺碼。除了尺碼,波鞋的性能也很重要,消委會測試了 11款防水行山鞋,大家不妨參考一下當中款式的優劣之處。最後當然是款式,最新New Balance復古經典鞋款再來襲,身為潮流達人的你快入手一對吧!

There is 1 comment

Add yours
  1. 新Monday / 【陳錫海】R.I.P頂好眼鏡Simon...給我最有紀念價值的Linda Farrow - 新Monday

    […] 2/ 油麻地彌敦道嘅Fitter平價波鞋鋪有批Jack Purcell由$199-$350,女裝sizes多,36號-40號男裝sizes偏大,得10號半同11號。而Cons黑色sneakers做緊特價,油皮同荔枝皮都有,特別推薦深藍色皮sneakers同boots,效果差唔多又特別些少,重有好多特別版特別色特別圖案嘅Cons,皮嘅布嘅絹嘅都有。NIKE Flyknit亦有好多做緊特價,平均$499左右。 […]


Comments are closed.