【那有錢系列】本週5對你會想買的波鞋

波鞋

廣告

波鞋熱潮持續旺盛,每週新貨多如天上繁星,你可能會問,個個禮拜出咁多鞋係咪真係有人買呀?所謂百貨應百客,市場上真係有供有求。不過花多眼亂,有時真係唔知點揀,所以我哋就決定每星期推介5對新鞋,等大家安坐家中都可以知道波鞋最新動向,唔洗下下落波鞋街!

text – Lok(ig:loklokb1021

1. NIKE AIR EPIC QS
NIKE AIR EPIC雖然唔係咩大熱款式,但其實暗中受到一部份潮人追棒,間中以新色回歸都大把人買,今回就推出黑灰及杏綠兩種配色,搭載當時勢頭一時無兩嘅Air減震技術,鞋型修身靚仔,加強著用舒適度之餘更加體現80年代復古味,雖然今次冇玩做舊效果,但一樣買得過。各$980/KICKS LOUNGE 海港城港威商場三樓3237號鋪 358027803

2. Onitsuka Tiger SERRANO
適逢夏天,彩色必定於潮流界大行其道,奪目顏色絕對係揀鞋時重要因素,Onitsuka Tiger似乎好有心改變形象,今個夏天帶嚟一系列以漸變色調設計嘅鞋款,一改Monotone單一色調設計,當中SERRANO女裝鞋以一貫修長鞋形深得女生們歡心,鞋頭至鞋尾用上併色設計,中間就加上轉調漸變效果,女生一定like。另外,由於日元對港元匯率持續低企,香港Onitsuka Tiger因而作出價格調整,由8月開始所有鞋款價格已下調,大家唔駛再咁麻煩,左撲右撲或者搭朋友去第二度買,而家喺香港都可以低價入手喇!各$690/Onitsuka Tiger專門店 銅鑼灣禮頓道77號禮頓中心G09號鋪 2205 0322

3. PUMA IGNITE XT
年頭推出PUMA IGNITE得到唔錯嘅口碑,家陣再推出IGNITE XT,定位係訓練鞋,沿用 IGNITE嘅中底箭形刻紋設計,可以幫助雙腳嘅力量轉換至前掌;但訓練重有縱向移動,為咗等用家喺左右橫移有更好穩定性,特別喺後跟處加強兩側厚度,避免橫移幅度過大造成不穩定而導致嘅運動傷害。另外,IGNITE XT 嘅中底比跑鞋重要扎實,保護性十足。$759/PUMA Concept Store 銅鑼灣崇光百貨四樓16A號 2834 3821

4. Reebok One Cushion 3.0
Reebok One Series系列專為挑戰長途耐力跑嘅跑手而設。全新One Cushion 3.0跑鞋,除咗保留鞋底中層嘅3-Zone技術,重點喺外形上落心機,以大型馬拉松城市為設計概念嘅City Print,首次以香港作藍本,正正為下半年踏入香港跑季做好準備。各$799/Reebok 專門店 尖沙咀海港城海運大廈2樓OT271號鋪 2736 7010

下頁睇埋Converse!


內容延讀

【白過白飯魚】 2015下半年10大 白波鞋 檢閱

【運動祥】 英超 開鑼!波衫大晒冷

5. Converse Chuck Taylor All Star Andy Warhol
Converse Chuck Taylor All Star Andy Warhol再次回歸,設計靈感當然係取材自Warhol幾幅最具代表性嘅作品,包括把其無處不在嘅香蕉插畫印喺高級皮革上,簡單已經令對鞋充滿藝術氣質。另外一款就係向Warhol開創嘅迷彩風致敬,所以將佢嘅自畫像注入非傳統色調,並把高筒球鞋嘅左右鞋面,綴以不同迷彩設計。$759(高筒)、$699(低筒)、$659(自畫像)/CONVERSE 銅鑼灣希慎廣場513號鋪 2321 9225

有甚麼波鞋推薦?

不論男女波鞋都是大家每天襯衫必備的單品之一,白波鞋更是百搭之選,必買10大易襯白波鞋,輕鬆carry每個造型!香港天氣變幻莫測,唔想濕住腳行街,一對Gore-Tex防水波鞋會是必然之選,若然唔好彩弄髒波鞋,即用這6招洗波鞋方法幫波鞋還原靚樣!

如何揀一對適合自己的波鞋?

揀鞋當然要揀一對啱size的鞋,的確很多人經常入錯波鞋size,以下就為大家綜合15款大熱波鞋size攻略,幫大家選擇最佳尺碼。除了尺碼,波鞋的性能也很重要,消委會測試了 11款防水行山鞋,大家不妨參考一下當中款式的優劣之處。最後當然是款式,最新New Balance復古經典鞋款再來襲,身為潮流達人的你快入手一對吧!