嚴選6款情侶波鞋 同你Bb一齊著住過情人節啦～

嚴選6款情侶波鞋 同你Bb一齊著住過情人節啦～

1.Nike Air Force 1

Nike推出的Air Force 1鞋款絕對係最百搭之款，無論純白或是純黑都係穿搭好幫手，著咩衫都襯到咁濟！而且價錢超平，著爛一對再賣都唔會心痛！絕對係情侶波鞋嘅最入門款式。

2.Nike Dunk Low “Bone” + “The 50”

Nike近年主打的Dunk系列價位一直都水漲船高，而筆者推介的Bone就比較便宜，十分適合女仔購入，男朋友可以購入相同款式，或者是買比較多細節的Virgil Abloh聯乘的”The 50″系列，同樣以Bone作為基本色調，再配上不同色系的鞋帶和鞋舌。

3.New Balance 725

以復古跑鞋為靈感的New Balance 725，身為新一代NB迷關注之鞋款，其價錢合宜而且又符合時下流行的復古跑鞋Style。再加上多種配色令男女都可以輕易carry，就連女神IU都有著住佢拍廣告！

4.Asics Gel-Kayano 14

同樣為跑鞋款式的Asics Gel-Kayano 14推出過不同配色。這款瑩光綠與銀色交替的配色，Sharp醒得嚟亦都相當好襯衫。而且更有Kiko Kostadinov與Asics聯乘的味道，絕對值得推介做情侶波鞋！

5.Hoka One One Mafate Speed

Hoka One One的鞋款一直以機能性和舒適度而聞名，呢對Mafate Speed同樣如是。鞋身整體用上淺灰和白色作交替，再以瑩光綠和藍色作為點綴。對於日系穿搭有研究的情侶，呢對或者是不錯的選擇。

6.Acronym Nike Blazer

近期釋出的Nike與機能品牌Acronym推出的Blazer款式，設計先鋒具未來感。兩隻配色啱啱好為情侶而設，而且價位亦不貴。配搭性其實也十分高，並不一定要全身機能穿搭才能夠carry，簡簡單單一條牛仔褲去突顯鞋款或會更佳。