【JUKSY】$2,400影1嘢貴過對鞋！美國大熱高空自拍波鞋
原文內容提供 : JUKSY
身為專業嘅波鞋迷，一定會經常替心愛嘅波鞋影相留念，尤其穿喺自己腳上嘅同時，唔嚟1張自拍照上傳社交網炫耀就真係對唔住自己，但紐約現正流行嘅高空自拍波鞋方式，睇嚟可以打趴一群自拍波鞋嘅人，成為炫富嘅新招數。呢個其實係一家名為Flynyon嘅航拍公司招攬客戶嘅新招，喺客人搭直升機時記錄下過程，喺高空自拍波鞋同地面美景結合同時，更能讓人讚嘆。但一次航行要價不斐，20分鐘嘅飛行價格為美金299元，約港幣2,400。
Flynyon嘅直升機航拍公司，除咗讓人享受搭乘直升機嘅快感之外，重可以體驗高空拍攝嘅樂趣，你睇下對adidas YEEZY BOOST 350幾咁生猛？
當雙腳懸喺高空之中，相信會讓你心跳加速，莫講話重要影相添！
如此創意嘅自拍球鞋方式，相信可以打低一班社交網站上嘅人。
今年講到波鞋，當然唔少得呢對YEEZY BOOST 350，神鞋喺高空中登場了。
另外AJ系列亦絕對會係高空自拍波鞋嘅首選，呢對AJ 11 Legend Blue個藍同湖水藍襯絕啦！
嚟睇睇搭乘嘅乘客，係唔係都相當有型。目前呢項體驗僅限於紐約同邁阿密，紐約20分鐘要價299美元，30分鐘就499美元。邁阿密則係45分鐘299美元，75分鐘499美元， 咁樣炫耀波鞋嘅方式都真係唔平。
