《新Monday》跑步影像企劃 Run2Connect「情侶篇」~二

波鞋

廣告

相遇緣於緣分,相愛講求勇氣,相處需要遷就。

兩個互不相識嘅男女Toby及Helen,因單車相遇、
相愛,因跑步而相處、相知。從跑步嘅過程中互相
加深認識,了解彼此,當中有苦有甜,從而於愛情嘅
跑道上,跑出目標更一致嘅道路。
「二」,代表兩個人,雖擁有一長一短嘅個性,
卻懂得互補不足,於漫長嘅跑道上彼此配合、
遷就、幫助,成就出「二」嘅故事。
因為跑,讓二人經歷更多;因為跑,
讓二人更珍惜對方。

Profile

Helen 29歲

跑齡:3年

由單車運動轉向跑步,當初目的為練氣及增強體能,由開始感沉悶慢慢變成熱愛。近年更活躍於兩項鐵人賽,於上年三項鐵人接力賽組及今年陸上兩項鐵人賽,同樣獲得champion成績。

Toby 29歲

跑齡:7年

本身係1位業餘三鐵運動員,經常參加本地及海外賽事,多年來獲獎無數,更於上年Taiwan Ironman 70.3 比賽中取得世界錦標賽參賽資格,今年水陸兩項鐵人賽獲得champion成績。

二人 初跑
Helen多年嚟醉心於單車運動,但發覺自己停留於不進則退嘅樽頸位,力不從心,想嘗試另1種運動來操體能兼練氣,令自己有更好嘅狀態,於是開始跑步。

鋼鐵非一日煉成,本身酷愛公路單車嘅Helen雖然擁有強勁運動細胞,但面對跑步,Helen依然係新人,需要訓練、教導,當時嘅男朋友,資深跑手兼教練嘅Toby就成為教練嘅不二之選。
Helen第1個訓練場地位於青衣運動場,Toby瞬間由男朋友化身魔鬼教練,以嚴厲、認真嘅態度訂造出一系列訓練方式,務求讓Helen得到最大嘅進步。不過,Toby認真嘅態度及特訓反而為Helen帶來相當大嘅困擾,難以接受男朋友用如此高壓嘅方式對待自己,由此開始,每次嘅訓練都成為彼此於感情上嘅重大挑戰及衝擊。

 

內容延讀:

睇翻第一集Run2Connect「父女篇」,都好感人,想喊~嗚

二人 進步
教人無數嘅Toby本以為訓練Helen應該絕冇難度,但原來最大嘅難度在於二人男女朋友嘅關係。要Helen接受由男朋友變成教練嘅Toby,每次對自己嚴苛且高要求嘅訓練,完全不能接受,甚至每次訓練都針鋒相對,產生不同問題及矛盾,令二人關係變得緊張,更喺Toby身上形成一道無形嘅壓力,內心交戰。一方面想Helen可以大有進步,另一方面卻怕苛刻嘅訓練最終會釀成彼此之間更大嘅矛盾,距離愈走愈遠。
最後,Toby選擇放低自己作為教練嘅角色,做回男朋友角色,以溫柔鼓勵嘅方向出發,打造出體貼教法—少教訓多讚美,陪伴Helen跑過每步,作為佢背後嘅重大支持,而Helen亦深深體會到Toby為佢作出嘅改變,透過了解、爭拗、磨合,使彼此之間嘅感情與日俱增。跑步確實讓佢哋嘅感情邁向另1個階段,而Helen亦冇辜負到Toby嘅一片苦心,成功由運動場路跑升級至越野跑,二人可並肩而跑嘅路亦愈來愈多。

二人 深刻跑途
運動男生遇上運動女生,拍拖節目總離不開跑步。無論平日定係大時大節,跑步都係最佳節目,風雨不改。Toby回想到最深刻嗰次嘅跑步,係某年嘅聖誕節。二人選擇於馬鞍山郊外越野跑,喺又凍又大風大霧嘅情況下,就連Toby都覺得艱難辛苦,更擔心Helen嘅情況會比自己更糟。但Helen竟然全無疲態,更表現得異常雀躍,愈跑愈起勁。此時緊隨身後嘅Toby望住女友嘅背影以及興奮嘅笑容,心裏突然感到溫暖。「感覺好似阿媽望住個仔終於大個咁,好老懷安慰,我為佢感到好驕傲!」雖然,對於Helen,馬鞍山郊外越野跑嘅路途未必係最深刻,但卻悄悄給予Toby無限嘅滿足感。「未來我希望大家可以繼續一齊開開心心跑落去!」Helen向Toby報以3個字「多謝你」,字數雖少,感觸卻良多。或者,你會發現當中故事平實,但可以打破隔膜,從爭拗及矛盾當中走出嚟,繼續走下去,又會有幾個?Helen及Toby卻做得到!

有甚麼波鞋推薦?

不論男女波鞋都是大家每天襯衫必備的單品之一,白波鞋更是百搭之選,必買10大易襯白波鞋,輕鬆carry每個造型!香港天氣變幻莫測,唔想濕住腳行街,一對Gore-Tex防水波鞋會是必然之選,若然唔好彩弄髒波鞋,即用這6招洗波鞋方法幫波鞋還原靚樣!

如何揀一對適合自己的波鞋?

揀鞋當然要揀一對啱size的鞋,的確很多人經常入錯波鞋size,以下就為大家綜合15款大熱波鞋size攻略,幫大家選擇最佳尺碼。除了尺碼,波鞋的性能也很重要,消委會測試了 11款防水行山鞋,大家不妨參考一下當中款式的優劣之處。最後當然是款式,最新New Balance復古經典鞋款再來襲,身為潮流達人的你快入手一對吧!

There are 3 comments

Add yours

Comments are closed.