【波鞋狂熱】本週5大全力必買新鞋

波鞋

廣告

波鞋熱潮持續旺盛,每週新貨多如天上繁星,你可能會問,個個禮拜出咁多鞋係咪真係有人買呀?所謂百貨應百客,市場上真係有供有求。不過花多眼亂,有時真係唔知點揀,所以我哋就決定每星期推介5對新鞋,等大家安坐家中都可以知道波鞋最新動向,唔洗下下落波鞋街!

text – Lokloklokb1021

01

NIKE Dunk Low Premium SB 「De La Soul」
多年以嚟,任何板仔反復練習或睇滑板視頻都會記得嗰啲耳熟能詳嘅曲目、歌詞、滑板選手同滑行線路。音樂對板界從來都係咁重要。De La Soul樂隊於滑板配樂中就發揮著關鍵作用。De La Soul樂隊成員都會著住NIKE鞋,以變幻莫測嘅風格同粗獷嘅個人表現力,喺專輯、藝術界同時尚領域展現出態度。今次NIKE Dunk 「De La Soul」系列重新設計再推出,慶祝呢個系列問世10週年。將原先高筒版上嘅雛菊同大像印花應用到低筒版上,板仔必入。(發售詳情待定)

 

Reebok ZPUMP FUSION
迎接今個夏天而生嘅超輕巧跑鞋ZPUMP FUSION,近日就再推出全新色系鞋款,繼續完美緊貼雙足,按動PUMP氣泵即可打造100%緊貼舒適跑鞋,解決跑步時雙腳大小差異嘅問題,今回追加夏日氣息極濃嘅藍、橙、白色,斑爛奪目,「緊貼」夏天。各$899/a

a/Reebok專門店 尖沙咀彌敦道100號The One L309號鋪 2368 7393


內容延讀:

睇到眼濕濕跑步故事RUN2CONNECT「父女篇」~絆

跑步驚腳粗?「塑腿」3式完整教學,包你點操都唔粗

爽死POOLSOCCER! 用腳代CUE玩桌球

adidas-originals-shoes-adidas-originals-miss-stan-w-shoes-ftwr-white-ftwr-white-green

adidas Ms. Stan
由1971年adidas將網球鞋命名為網壇傳奇人物Stan Smith起,adidas同Stan Smith嘅關係可謂不可分割,幾十年嚟Stan Smith一直係最暢銷運動鞋之一。今季adidas Originals推出名為Ms. Stan嘅女裝鞋款。以純白作主色,配上綠、紅色於後踭位置,結合貼腳窄鞋頭設計,定必深受女生鍾愛。$499/b

04

Reebok ZJET
跑步唔只係挑戰體能,重係意志鍛練,喺筋竭力疲嘅時候,每踏一步嘅壓力都係以幾何級數倍升,打擊跑手嘅身體同意志,點樣先可以跑得輕鬆又自在?全新色系嘅REEBOK ZJET跑鞋系列繼承管道接通氣囊嘅鞋底,等空氣於佈滿鞋底嘅立方體氣囊內前後游走,造成後掌緩震、前掌回彈效果,減輕雙腳跑步時嘅壓力,令你每步輕鬆自在,幾何級倍升嘅唔再係壓力而係快感!$899/a

05

Skechers on-the-GO
美國運動品牌Skechers嘅鞋款,其實唔係淨係得跑鞋,重有休閒鞋,今次介紹On-the-GO系列,以運動鞋嘅經典設計款式呈現,有帆船鞋、人造皮休閒鞋同帆布休閒鞋多種選擇。超輕量記憶型Resalyte鞋底,提供絕佳嘅避震緩衝能力。優質人造皮革同透氣網布鞋面就兼顧造型同實用性,一次滿足你所有需求,最新灰色真係出得街喎。$799/c

a/Reebok專門店 尖沙咀彌敦道100號The One L309號鋪 2368 7393
b/adidas Megacore Store 旺角豉油街21C號地下至5樓全層 2789 8198

有甚麼波鞋推薦?

不論男女波鞋都是大家每天襯衫必備的單品之一,白波鞋更是百搭之選,必買10大易襯白波鞋,輕鬆carry每個造型!香港天氣變幻莫測,唔想濕住腳行街,一對Gore-Tex防水波鞋會是必然之選,若然唔好彩弄髒波鞋,即用這6招洗波鞋方法幫波鞋還原靚樣!

如何揀一對適合自己的波鞋?

揀鞋當然要揀一對啱size的鞋,的確很多人經常入錯波鞋size,以下就為大家綜合15款大熱波鞋size攻略,幫大家選擇最佳尺碼。除了尺碼,波鞋的性能也很重要,消委會測試了 11款防水行山鞋,大家不妨參考一下當中款式的優劣之處。最後當然是款式,最新New Balance復古經典鞋款再來襲,身為潮流達人的你快入手一對吧!

There are 2 comments

Add yours

Comments are closed.